BLOGGER TEMPLATES AND TWITTER BACKGROUNDS

9/9/09

تفاصيل اللقاء الأخير

 

قالت : " اتغيرت "
لم أكن اعلم بمَ أرد وقتها ، كانت الصدمة أقوي علي من أي شيء ، لكن هل تعلمي شيئا عن هذا  ، هل تعلمي شيئا عن كونكِ أولي قطرات الغيث في أرض انهكها الجفاف منذ عشرون عاماً ، بالطبع لا .. وإلا لما كنتِ الأن تسألي عن سر هذا التغير خصوصاً بعد أن علمت بنبأ ارتباطك ، كم كانت محاولات اظهار ابتسامة علي وجهي شاقة وقتها ، كم حاولت تجنب الانفراد بك وقد كان كل ما ارغب به من قبل ، لكنه يتحقق الأن ..... بعد فوات الأوان .............

قلت : " كنت المفروض أعرف منك "

لم أكن اعرف اني كاذب الي هذه الدرجة ، فلم يكن هناك اسوأ من أن اسمع هذا الخبر منكِ ، أشكر الله كل الشكر أن بعث لي صديقتك لتخبرني ، وربما كانت هي – لقربها منك – تعلم ما أشعر به ، وأرادت تخفيف وطأة الصدمة علي ، وربما لم تكن تعلم وأرادت أن أفرح لفرحك ،  لها كل الشكر في الحالتين .. ولكن ..  ماذا بعد ..؟؟  كان يجب علي أن أخبركِ بما أشعر لكني تثاقلت كالسلحفاة حتي أصبحتي في يد غيري ، كان يجب علي أن اسألكِ إذا كنتي تكنين لأحدهم المشاعر لكني اخترت إقتحام الباب – بدلا من الطرق عليه – لأجد نفسي جريحاً في نهاية المطاف ، توجب علي فعل أشياء كثيرة ..... لكن .. هل يفيد مجرد التفكير فيها الأن ؟؟؟؟...........

قلنا : " بس احنا اكيد هنفضل اصحاب زي ما كنا "

يالسخرية القدر ..!!  نظل أصدقاء ..  لم يكن لي صديقات ، أنتِ كنتي الأولي وعلي ما أعتقد ستكونين الأخيرة ، ولِم نظل أصدقاء ؟؟؟ كي تحكي لي ما يدور بينكما ، أم كي تشكي لي عندما تحدث بينكما مشكلة!! .... عذراً لن أتحمل ذلك ، وربما كنتي تعلمين ما يدور بداخلي ، وترغبين في أن اظل صديقك تحسبا لأي طاريء مع فتاكي الجديد ، لكنك ربما لا تعلمي أني لا أجيد دور اللاعب الاحتياطي ، لذا أراها النهاية علي أمل أن يسهل علي ربي نسيانك ، ولعلي لا أراكي عما قريب .... كما أتمني ألا أراكي مطلقا ...............................

42 رأيك:

Unknown said...

هذا هو رايى ايضاً
المهم هو اتخاذ القرار
والثبات عليه:وهى المهمة الصعبة

Yusuf said...

أصعب ما في الحياة
أن نستمر في قرار
إتخذناه رغما عنا
تحياتي

beautiful mind said...

يوسف
اولا تقبل تحياتي علي اسلوبك الجميل وعرضك المميز
وبجد مدونتك روعه وبدايه موفقه ان شاء الله
بس انا اعتقد يا يوسف والله اعلم
ان اسم مدونتك كدا والله اعلم موجود
عند حد تاني بنفس الاسم تقريبا
عموما انا هتابعك يا باشا
وهضيفك كمان عندي
وان شاء الله عايز ارجع من الجيش الاجازة الجايه الاقي مواضيعك منوره
رمضان كريم

Yusuf said...

beautiful mind

شكرا علي كلماتك التشجيعية

وبالنسبة لموضوع الإسم انا دورت قبل ما اعملها ولقيت مدونة بس مقفولة من اكتر من سنة

واتمني لك اقامة ممتعة في الجيش وان شاء الله ترجع من الاجازة عشان تكمل تدويناتك الجميلة

Pink Dreams said...

جميل قوى البوست دا

بس مطنش ان الحب من الممكن ان يتحول الى صداقه مره اخرى

اهلا بيك فى التدوين

وانا خلاص ضفتك عندى

تقبل تحياتى

Yusuf said...

Pink Dreams

أنا رأيي من رأيك تماماً
بيفكرني الموضوع ده بجملة مني زكي لأحمد السقا في فيلم عن العشق والهوي
"إحنا أصلا مكناش اصحاب قبل كده عشان نبقا اصحاب بعد كده"

نورتي المدونة

تحياتي

horas said...

ياله من لقاء أخير
:))
مبروك ع البلوج يا بوب
واهلا بيك ف عالم التدوين
منور يا كبير
عقبال ما تحقق كل اللى نفسك فيه واكتر

------ said...

اولا

كل سنة وانت طيب
معلش جت متأخرة

ثانيا
انت بجد نورت المدونة وتعليقك
كويس بشكرك على النصيحة

ثاالثا ودا الاهم
اسلوبك فى سرد الحوار كان حلو

ومن رأيي عمر ما الحب بيتحول لصداقة
لان لو تحول لصداقة
بمرور الايام هيكون فيه خيانه للطرف التالت

تحياتى لك

Yusuf said...

horas

وانا اقول المدونة مالها منورة كده ليه
ربنا يخليك يا كبير

Yusuf said...

دموع القمر

أولا

وانتي طيبة

ثانيا
لا شكر علي واجب والأهم انك تنفذي النصيحة

ثالثا

متشكر جدا وده بس من ذوقك
بالنسبة لرأيك انا معاه تماماً

aidy said...

كلمات جميلة كأنه حوار داخلى أى واحد منا ممكن يتعرض ليه

بيعبر عن مكنون مشاعر لم تقال بعد

على الرغم من انى مش عارفة اذا كان الحوار ده خيالى ولا حقيقى بس بجد أبدعت فى تصوير المشاعر اللى فيه

تحياتى

Yusuf said...

aidy

أحيانا يعجز المرء عن فعل شيء فلا يستطيع سوي أن يلوم نفسه

وقتها ربما يكون بداخله مثل هذا الحوار

شكرا لتعليقك

جارة القمر said...

طب هما جم قبلى و قالوا كل الكلام اعمل انا ايه بقى دلوقتى ؟؟
يلا بقى الامر لله
مدونتك حلوة و الكلام بجد دا حساس جدا و جميل اوى

Yusuf said...

جارة القمر

الأمر لله من قبل ومن بعد

منورة المدونة

Remas said...

كل سنة وانت طيب

رمضان كريم وكمان عيد سعيد

طبعا انا مش عارفه اقول حاجة جديدة لان اللى علقو قالو كل حاجة ممكن تقال
بس بجد مدونتك عسوله وانت نورت التدوين كله

وميرسي جدا على زيارتك مدونتى المتواضعة

اللى نورها وجودك وتعليقك

Yusuf said...

reem :

انا مش عارف اقول ايه عن تواجدكم الجميل في مدونتي من أول تدوينة ويارب دايماً

منورة المدونة

**sad smile** said...

السلام عليكم

أضاء مجتمع التدوين بك

مدونة جميلة جداا

بووست رائع ومميز بكلماته الذهبية

والمؤثرة

ممكن سؤال

أنا عارفه أنه تطفل ؟

حضرتك هندسة أيه ؟ قسم أيه ؟

أتمنى لك مزيد من النجاح في عالم التدوين

دمت بكل الود

تحياتي لك

dark angel

زهور الامل said...

فعلا موقف صعب اوي ومحدش يقدر يستحمله

لما تشوف حبيبتك بترتبط بانسان غيرك

المدونة جميلة جدا وكلماتك اجمل شكلك كدة سابق سنك
وان شاء الله بداية مشرقة

اتمنالك التوفيق في عالم التدوين

ويارب اشوفك احسن مدون في مصر

نورت مدونتي

تقبل مروري

تحياتي

Yusuf said...

very sad

وعليكم السلام ورحمة الله وبركاته
ف الأول ميرسي علي رأيك

ومن غير مايكون في تطفل أو أي حاجة

انا في بكالوريوس هندسة قسم قوي كهربية
جامعه القاهرة

يعني سنة واتخرج بإذن الله

نورتي المدونة

Yusuf said...

زهور الامل

يمكن أصعب ما في الموقف انك بتكون مضطر تدفن أحزانك لوحدك وترسم بداله ابتسامة

كلامك تاج علي راسي ويارب تتابعي المدونة دايماً

تقبلي تحياتي

Anonymous said...

انا جيت ارد الزياره المدونه هايله والبوست رائع استمر

ربنا يديم التواصل

حنين

شمس النهار said...

ماشاء الله يايوسف
مدونتك لطيفه جدا
وبدايه قويه
وطريقة كتابتك جميله جدا
كلها مشاعر واحاسيس حيه
فعلا اصعب من اتخاذ القرار الاستمرار فيه
وخصوصا لما يكون قرار لافرار منه
كل سنه وانت طيب

Yusuf said...

7annen

نورتي المدونة

ويارب تتابعيني دايماً

تحياتي

Yusuf said...

شمس النهار

علي فكرة انا كنت مسمي المدونة شمس النهار

بس لما لقيت مدونتك غيرت الإسم

وكلامك بيتمم كلامي

وكل سنة وانتي بكل خير

ونورتي المدونة

fL0weR-giRL said...

السلام عليكم
*************
ايه بس الكئابه دي

بس الواحد لازم يكون واثق من الشخص اللي قدامه عشان مايجيش في الأخر يتصدم فيه جامد ودي بتكون صعبه موووت

** تقبل مروري **

بيطرية ومش بايدى said...

اولا قبل اى حاجة
الف مليوووووووووووووون مبروك على المدونة البلوجر كله نور يا باشمهندس يوسف
واسم حضرتك كمان جميل انا بحب الاسم ده جدا على الاسم سيدنا يوسف عليه السلام
هاروح اقرا وارجع تانى

Yusuf said...

fL0weR-giRL

انتي عندك حق فعلا الصدمة بتكون جامدة

المهم انتي تكوني مبسوطة ومش مكتئبة

منورة المدونة

Yusuf said...

بيطرية ومش بايدى

الله يبارك فيكي ويارب التدوينة تعجبك

واكيد اسمك اجمل من اسمي بس انا الصراحه معرفوش

مستني رأيك

نورتي المدونة

Unknown said...

صبـــــاح الخير
هناك تدوينة جديدة
عندى الحق اول تعليق
اووووووووووووووووووووووم
والجايزة بعد .........كتير بقى :)

Yusuf said...

صباح النور يا دكتورة
فعلا في تدوينة جديدة

لكن للأسف بلوجر مستلمني وعمال يقولي error

ف أنا هسافر دلوقتي ولما ارجع ان شاء الله هنزلها

يوم الخميس بإذن الله

وطبعا مستني منك .. أول تعليق

Unknown said...

مــع السلامة
وأوعى تنسانا:(
(دى جملة انا كاتبها
(فى اخر المدونة خالص
المهم تسافر وترجع بالسلامة
ويكتب ربى السلامة لكل مسافر
فى أرض الله الواسعة

mimi said...

حاسة وكأني كنت معاكم في اللقاء الأخير بتفاصيله

أسلوبك هايل ما شاء الله عليك

مستنيين بوستات جديدة

عيد فطر سعيد عليك والأسرة

إن شاء الله

تحياتي

حبات التوت said...

بجد بجد بوست جامد جدا



كلمات مليان مشاعر وطاقة غريبة واحساس بالصدمة بجد كلمات جامدة

شكلو كان لقاء صعب حسيت بكل كلمة قلتها كانى كنت معاك

حسيت بكهربا فى الجو احساس بالصدمة وانا عم اقرى كلماتك اسلوبك بجد حلو اوى



ومبروووووووووووك المدونة انا برضة مدونتى جديدة نورتنى لما زرتنى وانا شاء الله انا هتابعك


وكل سنة وانتى طيب

مع تحياتى ويلا

نورسين said...

‎قالت: لم استطع ؟؟
قال: بل ارحلي الى عالم بعيد،، عالم بأخريــن ملئ ، عالم لآ يخلو إلا مني !!
قالت: لن استطيع ؟؟
قال: بل حاولي ، وهناك اعلمي
انك ستنسين ،وتطيبين، ومن بعض آلام روحك ربما تتعافين!
قالت: أهكذا أنت فعلت؟؟ أبالرحيل والآخرين وغيرهم طبت بالاً وهدأت؟؟ أنسيتني وتعافيت ؟؟؟

صمـــــت

قال: لم يكن غير هذا يجب أن أفعل ، وأنت أيضاً مثلي ستفعلين!!
قالت: لست مثلك ، ولن أكون
لن أرحل ، بل هنا سأبقى حتى الجنون
بداخل عينيك سأبقى،اليهما فقط ارحل
لأراهما لغيري تضيئان ، تضحكان ، بالكثير صدقاً أو كذباً تبوحان ، فأضحك وأبكي لدورها الذي حان

وأرحل وأرحــــــل

وترحل أنت

......... ......... ..........

مبارك على عالم التدوين أنت
ومبارك عليك عالم التدوين
قلمك يحمل طابع قصصي سلس ، بسيط ، يخلو من تعقيد المفردات إلا انه لا يخلو من تعقيدات الحياه وما تصبه علينا منها وما تصبه بنا من أسهمها وسيوفها ورماحها ، في زمن لم يعد فيه ادنى مساحة للصدق ، للحب ، ربما لأي شئ

استمر
ولك مـــــودة

Yusuf said...

mimi

أخجلتم تواضعنا
وكل سنة وانتي طيبة

Yusuf said...

wella

كلامك كتير عليا بجد

ومستنيكي دايماً في مدونتي

ويارب يديم التواصل

تحياتي

Yusuf said...

نورسين

تدوينتك الجديدة رائعة لكني سأرد عليها في مكانها

"وما تصبه علينا منها وما تصبه بنا من أسهمها وسيوفها ورماحها ، في زمن لم يعد فيه ادنى مساحة للصدق ، للحب ، ربما لأي شئ"

أينما وجد الأسود وجد الأبيض

فقط اجتهدي في البحث عنه

لكِ كل المودة

د.آيه said...

للأسف هى حقيقة متكررة نجدها كل يوم ..
ربما خوفا من المواجهة و المصارحة .. ربما من الظروف .. و تكون نفس النهاية..

أبدعت ..بأسلوب راقي
تحياتى

الازهرى said...

النهاية لماذا ؟
لما بينكما ربما
ولكن ان تكون نهاية حياتنا ومشاعرنا
فمعناه اننا نقضى على ما بداخلنا
بايدينا
وهذا لا يفعله انسان عاقل بارادته

تحياتى ودعائى
وعيد سعيد لك ولأحبابك ولكل الأمه

Yusuf said...

د. آية

الخوف مرض .... يحتاج لكثير من العلاج

حتي يتماثل مريضه للشفاء


كل عام وأنتي بخير

تقبلي تحياتي

Yusuf said...

الأزهري

كما قلت

لا يمكن أن يفعل عاقل هذا بنفسه

هي صفحة تنتهي

فيأتي ما بعدها أكثر أشراقاً وبهجة بإذن الله


عيد سعيد

ولاء said...

نهايه تزينها الكرامه وتجرحها عبارات الفراق المعتاده...حب يثأر لذاته وندم دفين على ضياع الحبيب
دفاع عن مفهوم الحب...تابى ان تعتبره صداقه لأنه لم يكن ولن يكون مجرد صداقه
هكذا هى الحياه تذيق الانسان السعاده ثم تأخذها منه لتستمتع بعذابه ولكن هيهات لها فقد كانت الكرامه طبيبا لا بأس به يضمد الجراحات ...مهلا فهذا من اول دروس الحياه لقلبك واطمئن عما قريب سيكون أقوى