BLOGGER TEMPLATES AND TWITTER BACKGROUNDS

10/1/09

بدون عنوان...... نص أدبي







لا أعلم ماذا يحدث لي .... فجأة أكتشفت أني لا أحب أحداً...... جلست وأعددت قائمة بمن يمكن أن أحبهم ، فتفاجأت بما لم أكن أتخيله علي الأطلاق




 .............................


يأتي علي رأس القائمة أمي وأبي ، هما من يعملان بجد من أجلي ، لا يرغبان مني سوي في أن أكون أفضل منهما ، وماذا أفعل أنا في المقابل ، أقضي الأن عامي السادس من دراستي الجامعية أحصد الفشل تلو الأخر، لو كنت أحبهما كما يحباني ، لاجتهدت حتي في أن أزيح بعض الهم عن كواهلهم ، وهو شيء لا أراه صعباً ، لكني أري هذا العام مثل سوابقه .... وأري نفسي علي مشارف الهاوية



........................


قبل أن أعرفك كنت كالحيوان ، ألهث خلف الخمر والمخدرات والنساء ، يبدأ يومي في الفراش ، ثم ما ألبث أعود إليه حاملاً مالذ وطاب من الغنائم ، واستمتع بالتهامهم قبل أن أتمدد مرة أخري في انتظار اليوم التالي، الذي لا يختلف عن سابقه في شيء








.............................
 


يأتي بعد ذلك أخوتي ، أخي الأكبر وأختي الصغري ، هما من أعيش معهما ، هما من شاركاني طفولتي ، من غيرهما يفرح لفرحي ، ويتألم لحزني ، كلاهما يحبني بصدق ، وعلي الرغم من ذلك ، لا أراني الأن أكن لهما أية مشاعر علي الأطلاق

 ...............................


قالوا أن الحب يصنع المعجزات ، لكني لم أكن أصدق مثل هذا الكلام حتي تعرفت عليكي ، لم يصدق من حولي هذا التغير في شخصيتي ، تخليت عن كل ما هو سيء في حياتي حتي بدون أن أرغب بذلك ، تمنيت أن أظل علي هذه الحال للأبد ... لكن هل كل ما يتمناه المرء يدركه ؟؟؟


 ...........................


في نهاية القائمة أري أصدقائي ، من زاملوني رحلة الحياه بحلوها ومرها ، من ساندوني ووقفوا بجانبي حين كانت الصدمة الكبري ، عندما أنظر إليهم الأن لا أري في عيونهم إلا الشماتة ، ولا أري لي أصدقاء سوي اللفافات البيضاء ، التي تتلوي بين 
أصابعي وتعبث بمساراتي التنفسية ، وتقودني يوما بعد يوم ....... نحو النهاية

 ...............................



عندما عرفتك عرفت معني الحب ، عرفت معني أن تبتسم لي الحياه ، لم أكن أرغب في أكثر من ذلك ، تمنيت أن نبقي سوياً للأبد ، لكنك ذبحتينني بسكين بارد ، ألتمس لك العذر لأنك لم تكوني تعلمي ما بداخلي ، وربما لن تعلميه ....... فما فائده أن تعلميه الأن 



................................


انتهت القائمة ، ولم أجد في سجل حياتي اليومية من أحبه ، لم أكن أعلم أن فراقك سيصيبني بانسداد في الشرايين العاطفية ، ويتركني وحيدا ....تائها ... أعيش حياة .... بدون عنوان

86 رأيك:

زهور الامل said...

لا مفيش حد مش بيحب
دور كويس جوة نفسك هتلاقيك بتحبهم وبتحبهم اوي كمان

كل واحد فينا بيجي عليه اوقات يحس باحساسك ده
بس لو جت لحظة فراق بيني وبين حد منهم ممكن اموت
وبكتشف فعلا اني بحبهم وبموت فيهم كمان


بلاش نخلي لحظات الياس تبعدنا عن اقرب الناس لينا
ونتصور اننا بقينا وحشين واننا بطلنا نحبهم
الناس دول انت بتحبهم لانهم يستحقوا فعلا انك تحبهم

تحياتي

------ said...

صبااااحو يأس

صباااحوا اكتئاب

هو الموضوع لسه متقراش

بس اول القصيدة كدا
......

اروح اقرا كدا وارجع

------ said...

ياااااارااااجل

داانت رصيت كلام يدل انك بتحبهم ومخلص ليهم


نبتدى من الاول كدالا انت بتحب والديك و
اكيد كل ام واب مش عايزين اولادهم غير انهم يكونوا الافضل وانت بتعمل الا عليك اكيد فى دراستك والتوفيق وعدم التوفيق من عند ربنا
سيبك من دا
انت مبتعملش الا عليك وانت عرفت كدا وصرحت بكدا خلااااص
ماتاخد قرارك وتبتدى بقى السنة دى بجدية شوية وخد عهد انك هتعدى علشان ترضى امك وابوك
بس يايوسف والله عمر مافيه ولد بيكره امه وابوه
.................................
بعد كدا اتكلمت عن اخواتك اوعى تقول انك مبتحملش ليهم مشاعر لا انت جواك مشاعر بس يمكن انت من الناس اللى مبيعرفوش انهم يعبروا عن مشاعرهم
جربت كدا تكتب لاخوك او اختك اللى بعيد عنك رسالة
جربت كدا ان اختك تدخل الاوضة بتاعتها تلاقيقك معلق ورقة وراسم فيها قلب كدا وكاتب فيها ربنا يخليكى ليا
بلاش دا كله هدية صغنونة كدا
بص اصلى ذيك كدا ولما اقعد مع نفسى اقول انا مبحبهمش ليه لقيت انى اول لما اجى اقول لاخويا بحبك بتقف على لسانى
جربت اللى قولتلك عليه وبعدين خلاص الواحد مرة فى مرة اى نعم مش اوى بس اكيد بنحبهم

تخيل لو محدش فى البيت وبعد الشر كدا حد من البيت حصله حاجة مين اول واحد هيجرى عليه ويشيله ويبكى عليه مين اول واحد هيروح يجيب الدواء

لو انت مبتحملش ليهم مشاعر هتتفرج عليه وتسيبه وتمشى ولا هتعبره
وكداااا اقولك مبرووك لانك اتجننت هههههه

.................................

الحب يصنع المعجزات
اكيد وانت من كلامك انك حبيت واخلصت والدليل انك اتغيرت علشانها كون بقى انها دبحتك بسكين دى غلطتك انك مخترتش صح من البداية لانك بحثت عن الحب وانا قولتلك لو بحثت عنه ياما هتظلم نفسك ياهتظلم اللى حواليك
بس عارف كدا احسن علشان متعش بذنب حد
ارجع لعقلك كدا
صدقنى انت كويس وكلامك كله بيدل انك لسه ابيض من جوا ومش وحش

.............................
بص بقى حكاية الاصدقاء فى الزمن الجميل دا عمرك ماتلاقى صديق وفى ونادرا
انما بقى اللفافات البيضة دا لو هى السيجاره يعنى فانت قولت انك سبتها وبطلت ومش ينفع انك بعد مااخدت قرار جميل زى دا ترجع فيه وتدمر صحتك لمجرد يايوسف
اوعى تخليها صاحبك اوعى تقول انا مضايق وهى اللى بتهدينى
السيجاره دى بتهديك لكن هتدمرك بعدين

...............................

انت تقدر تقول انى سجلت فيها اكثر اشخاص احبهم قلبى

ولكن القائمة لن تنتهى

لان الواحد فى كل لحظة بيعرف اشخاص بيحبهم بيحبوه
وان مش حبوه فيكفى انه لسه ابيض من جوه ولسه بيعرف يعنى ايه كلمة بحب

وبص بقى انا بنت اهه لكن انا بضايق بضايق وبيجيلى الضغط والسكر لما الاقى واحد موقف حياته وعمره ومستقبله
ويخلى الدنيا سودا
علشان هو حب واحده متستهلش الحب دا
هى اتسلت شويه وفرحت لها حبتين وراحت تشوف حياتها
فانت تموت نفسك علشانها
وتخلى شريانك العاطفى يتسد
ليه يابنى

لا انت هتعيش
وهتعيش بعنوان كمان
وهتفتح صفحة جديدة من حياتك

عش كل لحظة كأنها اخر لحظة
عش بالحب
عش بالامل
عش بالايمان
وقدر قيمة الحياه

------ said...

يااااااااخبر دا كله كلام يابت
بس والله مش خسارة فيك

بس اهم حاجة انك تقرب لربنا
ابكى واشكيله همك
وادعى
يفرج كربك
دا انت ملكش غيره
وان زى مابتقول
انك محبتش حد
وحبيته هو
هو كمان هيحبك
ولما يحبك
هيحبب فيك خلقه
وهتعيش سعيد
طوال عمرك

اذا سألت فسأل الله
واذا استعنت فستعن بالله

انا عند ظن عبدى بى فاليظن عبدى بى مايشاء

بيطرية ومش بايدى said...

انا كده التعليق التالت الفعلى والرسمى والنظمى والفهمى وكل حاجة

اوعى يا بت يا دموع انتى هتفوقى علينا
ههههههههههههههه
امووووووووووووووءة انتى وحشتينى اوى

بيطرية ومش بايدى said...

يا يوسف بيك
يا يوسف بيك
ماترد عليا الله
ممكن اقول رايى ؟؟ لامش عايز اعرفه
طاااايب
على فكرة مش معنى انك مش عارف تعبر عن معنى الحب اللى جواك ده يبقى انك مابتحبش اصلا نونونونونو
ساعات الواحد بيبقى حامل (مش ف الشهر التاسع لا) حامل مشاعر حب وحنان فظيعة للى قدامه ومابيعرفش يعبر انا متأكده انك كل الناس اللى كتبت عنهم دول انت بتمووووووووووووووووووووووووووووووت فيهو مش بتحبهم بس
يمكن لاقيت نفسك مقصر شوية او كتير
بس ده المفروض انه يديك دفعة للتغير
مش تستسهل وتقول انا اصل مابحبش حد
احنا اتخلقنا اصلا عشان نحب ونتحب لان ربنا اصلا بيحبنا واكيد بيحب لينا الخير
وبكرة هتلاقى نفسك بتقدم ليهم كل حاجة هما يحبوها ارضاء لقبلك الذى يحبهم

يمكن كلامى يكون عبيط بس هو ده اللى انا شايفاه

انا حبيت اقول رايى ولو انه ممكن مايكونش من حقى
بس يلا اختك المفعوصة بقى هتعمل ايه؟

عندى ليك دعاء حلو كل شوية اقوله لانى محتاجاها اوى

اللهم ارزقنى حبك وحب من يحبك وحب كل عمل يقربنى الى حبك
اللهم آآآآمين

آه وكفى said...

ممممممممم مبتحبهمش
طب جرب كده تتخيل حياتك منغيرهم وانته تعرف وقارن بين حياتك منغيرهم وحياتك منغيرها هتعرف ان مصايب اهون من مصايب

Yusuf said...

زهور الامل

الناس دول انت بتحبهم لانهم يستحقوا فعلا انك تحبهم

هي فعلا كانت لحظة يأس

بس من مدة كبيرة

وراحت لحالها الحمد لله

تحياتي

Yusuf said...

دموع القمر

صباحو نص أدبي

صباحو ناس منورين بس مقروش العنوان كويس

------ said...

وربنا قريته

بس لقيت الكلام مش مطمن كدا

فلازمن نقول صباحو اكتئاب
ههههههههههه

والمدونة منورة بناسها

beautiful mind said...

ازيك يا جو
ايه يابني الكلام الجامد دا
انا عارف ومتاكد انك بتحب كل اللي حواليك دول جدا
بس دا حب فطري
ملكش دخل فيه وانت مش حاسس بيه ولا هتحس بيه الا في وقته لما تبعد عنهم مثلا او حد فيهم يحصله حاجه لاقدر الله
ربنا يوفقك في حياتك
ويهدينا وياياك ياسيدي
وتلاقي الحب اللي يستاهلك

راء said...

بوست صريح اوي

مليان مشاعر

بمجرد ما كتبت البوست ده اعرف ان الناس دول مهمين عندك ايا كانت ايه مشاعرك ناحيتهم وإلا مكنوش اخدوا اهتمام كده

مفيش انسان يا باشمهندس يقدر يعيش بدون حب استحالة على الأقل حب الحياة
علاقة الحب والحياة عاملة زي الدايرة بنعيش علشان نحب وبنحب علشان نعيش متقدرش تلغي حاجة م الاتنين

ونصيحة مني اوعى تتحول لتمثال بلا مشاعر حب الناس واتعود تقولهم بحبكوا

احساس عالي اوي

تسلم ايدك

وربنا يهديك للي فيه الخير

(Joudy) said...

بصراحة من اللى كنت كاتبه عندى إحساس انها كانت فترة يأس وإحباط ومش لوحدك على فكرة اللى بتمر بيها ناس كتيييير جدا وفكرة انه مش لاقى حد بيحبه او حتى انه هو يحبه بمعنى لا تحب ولا تتحب لحظات معظمنا بيمر بيها ...... الحقيقة انك كتبت ده بطريقة جميلة بجد وبشكل تعبيرى للحالة إن شاء الله مش تمر بحالة ياس ولا أى شئ من هذا القبيل وإن شاء الله أيامك كلها تكون تفاؤل

دمت بكل الخير والسعادة

Anonymous said...

لالالالالالالالالالا
لالالالالالالالالا
لالالالالالالالالالالا
لالالالالالالالالالالالالا
لالالالالالالالالالالا
لالالالالالالا

لا يابابا لا

لا يمكن ولا يحدث
ولا يصح

لالالالالالالالالالالالالالا

Anonymous said...

كل دى كميه

لالالالالالالا
انا قولتها

يلا ماهى المدونه بتاعتنا ونعمل اللى يعجبنا ولا عندك اعتراض ؟؟؟

اه بحسب عندك اعتراض ولا حاجه

Anonymous said...

اوعى تكون بتزعل بهزر

بس مش عاوزه احس ان البوست مليان يأس واكتئاب

زى ما تقول كدا

بضحك على نفسى واحس انه مليااااااان تفاؤل وسعاااااده

Anonymous said...

هو فى حد بذمتك مبيحبش

احنا بنحب ربنا وبنحب الرسول والانبياء والصالحين

وبابا وماما واخواتنا وقرايبنا واصحابنا وزمايلنا

وبنحب نفسنا

وبنحب دينا الاسلام وبنحب حاجات كتييييييييير

من الاخر عايشين علشان نحب

يعنى الحب هو اساس الحياه

والحياه مش بتقف على انسان

ولا على حد فارق ولا حد رحل عنا

حتى لو انت مش حسيت بالحب دا

بس هو موجود جواك غصب عنك

لانه جزء مننا ومن تكوينا كبشر

الا من امات الله قلبه

واعوذ بالله احنا مش منهم ان شاء الله

بلاش بقى اتقل عليك

بس عاوزه اقولك

تقرب الى الله يريح الله قلبك

دمت فى سعاده وفى حفظ الله

حنين

اعشق فى الليل ضوء القمر said...

ربنا يحبب فيك خلقه
تقبل منى
اعشق فى الليل ضوء القمر

well said...

بلا عنوان ام ...بلا قلب
تحياتى لهذا النص الادبى
وتحياتى لتعبيرك

حبات التوت said...

تايهة ....حيران...حاسس انك معندكش هدف ...معندكش امل


عادى يتحص يايوسف بتحصل كتير يعنى حالة كدة وهتروح

احيانا الواحد بيحس انو فاقد كل شى حتى بيحس انو فقد الاحساس بالحب


عبرت عن احساسيك بشكل رائع

حبات التوت said...

عندى تعليق تانى يابشمهندس


ماتخليش سجايرك تبقى صاحب ليك ورفيقك


:(

Aиgel said...
This comment has been removed by the author.
Aиgel said...


السلام عليكم ورحمة الله وبركاته

صباح الخير .. يوسف

كل الكلام الي كتبته ده ما هو إلا دليل على أنهم غاليين عندك جدا
وبجد مش هزار أو مجاملة أو تخفيف عنك
بس طالما بس فكرت فيهم ده معناه أنهم مهمين وغاليين في حياتك

بس هي كل الفكرة أن أحيانا ظروف الحياة بتفرض علينا أمور تخلينا نحس
أننا مقصرين أوي في حق غيرنا
وكفاية إحساسك ده

أما أصدقائك .. فا مقدرش أقولك غير والله الحال من بعضه

ربنا يريح قلبك يا يوسف لما يرضاه لك

تقبل مروري

Angel love

Yusuf said...

سوري مكملتش قراية التعليقات لظروف السفر عشان الدراسة وكل سنة وانتو طيبين

نرجع نكمل

Yusuf said...

دموع القمر

مش عارف اقولك ايه عن الكلام الجميل اللي انتي كاتباه ده

بجد انتي طيبة اوي وتستاهلي كل خير

كل ما في الامر ان النص ده قديم والحمد لله كانت لحظة سواد وعدت ودلوقتي كويسين الحمد لله

وعلي فكرة السنة اللي اتكتبت فيها كانت السنة اللي انا بطلت فيها السجاير والحمد لله كمان السنة دي ربنا اكرمني ونجحت

انا بس نزلت النص ده لأني الصراحه بحب اقراه وكل ما اقراه بحمد ربنا علي اللي انا فيه دلوقتي

وكمان بستعرض مواهبي الأدبية

تقبلي تحياتي

Yusuf said...

دموع القمر


اذا سألت فسأل الله
واذا استعنت فستعن بالله


بس خلاص

ماينفعش اقول حاجة بعد الكلام ده

Yusuf said...

بيطرية ومش بأيدي

كده التالت

رسمي فهمي نظمييييييي

وشوقييييييي

وحمديييييييي

وكل السجل المدنيييييييي

ايه ده انتي جاية تسلمي علي دموع القمر هنا

يالا كل واحد علي مدونته

Yusuf said...

بيطرية ومش بأيدي

كلامك مش عبيط ولا حاجة

علي راسي يا باشا علي راسي

بس الاجمل من كلامك بجد

الدعاء الجميل ده انا دايما بقوله ف صلاتي

وانا مستني رأيك دايما

تحياتي

Yusuf said...

آه وكفي

مصايب اهون من مصايب

ممممممممم

ايه العقل ده

غلبتيني

Yusuf said...

beautiful mind

هيما الجميل

ربنا يخليهم ليا

وربنا يخليك

ومنور المدونة دايما

Yusuf said...

Just Smile

نعيش عشان نحب
ونحب عشان نعيش

فعلا

مينفعش نلغي حاجة من الاتنين

نورتي

Yusuf said...

(Joudy)

فعلا هي كانت حالة يأس ف كانت عاملة اسقاط عام علي الحياة والناس

بس الحمد لله عدت علي خير

ويارب ايامنا كلها تفاؤل

تحياتي

Yusuf said...

7annen

ايه ده

كل ده لا

انتي معارضة ولا ايه..؟

Yusuf said...

7annen

المدونة مدونتك اعملي اللي نفسك فيه

بس كفاية لا لحسن امن الدولة شامم نفسه اليومين دول

Yusuf said...

7annen

والله الواحد مبسوط من المدونة دي انه يسمع الاراء الجميلة دي

فعلا لما الواحد بيقرب من ربنا بيلاقي السلام النفسي

دمتي بكل ود

Yusuf said...

اعشق الليل في ضوء القمر

ربنا يجازيك خير ع الدعوة دي

وربنا يتقبل منا ومنك

تحياتي

Yusuf said...

well

دي زيارة اولي

اتمني تكون المدونة عجبتك

تحياتي

Yusuf said...

wella

عبرت عن احساسيك بشكل رائع

هو ده اللي انا كنت عاوزه

انا فعلا عبرت وقتها

دلوقتي الحمد لله احنا كويسين

نورتي يا باشمهندسة

Yusuf said...

wella

السجاير متنفعش غير انها تبقا رفيق الي الجحيم

والحمد لله الذي عافانا

Yusuf said...

Angel

وعليكم السلام ورحمة الله وبركاته

صباح النور

الاحساس بالتقصير شيء سلبي جدا ومقدمة اكتئاب

ربنا يبعدنا ويبعدك عنه

تقبلي تحياتي

نورسين said...

لم أكن أعلم أن فراقك سيصيبني بانسداد في الشرايين العاطفية ، ويتركني وحيدا ....تائها ... أعيش حياة .... بدون عنوان

......................
كلمات تطرق الواقع بمطارق رخامية باردة ،،
نص أدبي هادئ الظاهر ، ثائر المضمون

موفق هذا العام
وكل عام

طهر فؤادك said...

السلام عليكم ورحمة الله وبركاتة
كل سنة وانت طيب ..
ياريت تساعدنى فى حملتى "مدونتك هتنقذ طفللك"وهى فكرة بسيطة بس ان شاء الله خيرها كبير وانا عارف ان الى بيحترموك ويقدروك كتير فياريت تشاركنى وكل الى يحب فى الحملة دى وعن فكرتها وكل حاجة عنها فى اللينك دة ورجاء تدخل وتشفها امانة وجزاك الله خيرا والمسلمين .
http://rasoulallah1.blogspot.com/

------ said...

http://www.sharkiaonline.com/Article.asp?ArtID=4886&Sub=6&sec=4


http://www.ikhwanonline.com/Article.asp?ArtID=54340&SecID=271



مش عايزة غير دعواتكم لبابا تويتى
اقروا سورة يس
صلوا وادعوا
انه يطلع بالسلامة
حسبنا الله ونعم الوكيل
يمكرون ويمكر الله والله خير الماكرين
ولا تأسفن على غدر الزمان طالما رقصت على جثث الاسود كلابا ولاتحسبن برقصها تعلو على اسيادها ولكن تبقى الاسود اسود والكلاب كلابا
حسبنا الله ونعم الوكيل
http://barbie-girle.blogspot.com

طوبه فضه وطوبه دهب said...

اوقات كتير اليأس بيتملك من الانسان ومجرد فقده لانسان حبه او فقده لشىء عزيز عليه بيخليه يحس ان الدنيا وقفت لحد كدا وان الزمن قد توقف عن السير عارف لانه للاننا فى الفتره دى بندور على اشياء واناس كدا كدا مفارقه انا وننسى من خلق رب الكون ومن لايفارق اتعود تحب الخالق هيحبك كل المخاليق ساعتها بس هتقدر تحب يا اما ناس اتخلت عنى يا اما اصدقاء حبتهم سابونى فى اعز وقت ممكن احتاج لهم المهم ايه اللى يصبرك ويقويك ويرجعك احسن واقوى من اى ازمه دخلت فيها ايمانك بالله وايمانك ان اى ابتلاء صنعه ليقربك منه لا ليبعدك اول زياره للمدونه وان شاء الله مش الاخيره

مهرة سالم said...

السلام عليكم...
كيف لا تحب وأنت تسحب نفسك
في حزن بسبب لأنك لم تقدر أمك وأباك..
...
هي
موجوده أم لا
واضحه مشاعر حقيقيه لها
لن أسميها حب...
........
حسنا
لاتحب
تيأس
تفشل
اليوم بدلها
حياتك بدلها
إبدأ بثقه وقناعه جديده
أولا أحب نفسك
مهما عملت هذه النفس وكرهة
مهما أسائت
إنه ماضي إتركه وراء ظهرك
ستستغرب أن كل من حولك ستتغير نظرتهم
ولن يحاسبوك على مافات
ومن ثم ستحب
كل ما حولك
....
في امان الله

آه وكفى said...

شوفتني وان عملة أبله حكمت
:D

mimi said...

دايما من الفشل بيتولد النجاح

الفشل مش نهاية الطريف

كمّل طريقك وحب كل اللي حواليك وحب نفسك ، هتنجح
والدراسة مش مقياس النجاح في الدنيا

تحياتي وربنا يوفقك يارب

Yusuf said...

نورسين

أشرقت الأنوار

بقالي فترة مشفتش تعليقاتك المتميزة

تحياتي

Yusuf said...

طهر فؤادك

انا سمعت عن الحملة لكن للأسف انا مش خبير اوي ف بلوجر ف معرفتش احط الصورة

بس هحاول تاني باذن الله

Yusuf said...

دموع القمر

كلنا بندعيله وبندعي لكل أسري المسلمين

ربنا يفك اسره واسرهم

امين يارب العالمين

Yusuf said...

طوبه فضه وطوبه دهب

نورتي المدونة

وربنا يديم التواصل

وفعلا حب الواحد لربنا بيخرجه من أي ازمة وبيقرب منه عباده

تحياتي

Yusuf said...

نهار

ما احلي ان يلقي الانسان خلفه كل ما يؤلمه

ويبدأ من جديد


تحياتي

Yusuf said...

آه وكفي

وهي أبلة حكمت تعرف تقول الكلمتين دول

:D

نورتي

Yusuf said...

mimi

النجاح ف الدنيا

هو النجاح ف الامتحان

اللي نتيجته بتطلع ف الأخرة

اللهم اجعلنا عندك من المقبولين

تحياتي

Unknown said...

كنص ادبى :جميلة !
أما ان كان من واقع الحياة
فلا أظن ان هناك من لا يحب أحداً
فعلى الاقل الانسان يحب نفسه وإن أنكر هذا!

قوس قزح said...

لما بيضيع مننا حب كبير بنحس بعده ان قلبنا فاضى
و مش هيقدر يحب تانى
لكن بمرور الوقت بنرجع تانى قلبنا يتملى بحب اللى حوالينا

تحياتى

قوس قزح said...
This comment has been removed by the author.
قوس قزح said...
This comment has been removed by the author.
Yusuf said...

norahaty

نورتي يا دكتورة
ويكفيني اعجابك بالنص الادبي

الفكرة في الاسقاط

اسقاط الحالة علي الجو المحيط وعلي الاشخاص برضه

تحياتي

Yusuf said...

قوس قزح

بيضيع مننا حب كبير

ممكن بايدينا

وممكن مش بايدينا

لكن طول ما ايدينا مرفوعة دايما للسما

هيجي حب اكبر واكبر

تحياتي

Yusuf said...

deleted comments

وبعدين بقا

انا كده هزعل

واحنا ساعه الغلط

نطرطش زلط

ومفيش تحياتي

مرايتى said...

السلام عليكم
اول زياره
اولا بوست رائع
ثانيا ده قمة الحب بس بقى عندنا مشكله دلوقتى اننا ما بقناش نعرف نعبر عنه ووصلنا لدرجه اننا بنحس انه ما بقاش موجود بس موجود بدليل لا قدر الله حد من اهلك نعب ولا حاجه قارن احساسك هوه ده الحب الحقيقى
وكمان لما حبيت وصل لك الاحساس ده لان حبك ده صفه مكتسبه احساس جديد عليك علشان كده حسيت بيه ولكن حب الاهل واى حد ما بتحسش بيه غير لما تحصل حاجه تحركه بس اكيد هوه موجود بس ما بنعرفش نعبر عنه
ومش انت لوحدك الى كده تقريبا كلنا بقينا كده فقدنا حتة التعبير فوصلنا الاحساس ان الحب ما بقالوش مكان فى حياتنا
وما تزعلش من اصدقائك لو كانوا بجد اصدقاء ما كنتش حسيت منهم بشماته ودول ما يتزعلش منهم تزعل من الصديق الى بجد
وبلاش تسلم ان اللفافه دى هى ملازك بالعكس دى ضررها اكبر من اصدقائك الى ما بقوش اصدقائك
أسأل الله ان يسكن كرهها لقلبك
ربنا يكرمك ويعزك
تحياتى
مدونه رائعه

رحلتنا في الحياة said...

عارف البوست ده حقيقى جدا لو كلنا فكرنا نعمل للستة للناس اللى بنحبها هتكون نفس الحكاية هنجيب تلاقينا الاب والام فى اول للستة
بس هقولك حاجة انا مش هحطهم فى القائمة اصلااا لانهم مش محتاجين منى حب ولا منتظرين منى مقابل ولو حب الدنيا كله مش هتقدر تعبر عن حبك ليهم بالشكل الصحيح
اما اصحابك واخواتك وزمايلك دول بقى انت بتحبهم بس اختلافك معاهم يمكن بيخليك لحظة تفكر انك شايفه عادى لكن صدقنى لو فكرت انك ممكن تبعد عنهم هتغير فكرتك
انما حب الحبيب ده بقى اللى هيخليك تشوف الدنيا كلها مليانة حب وهيخليك تحب كل الناس بجد ومش هتحس بطعم الحياة الا لما تلاقى الحب الحقيقى لكن لغاية ما تلاقيه مش لازم تتضيع الناس اللى بتحبك من ايديك
شكرا للمرورك على المدونة

Yusuf said...

سمسمة

وعليكم السلام ورحمة الله وبركاته
نورتي وربنا يديم التواصل
موضوع التعبير عن الحب ده فعلا مشكلة
انا بس هنا ف النوت كنت بحاول أوصل فكرة معينة متعلقة بالاكتئاب ( ربنا يبعدنا عنه ) وتأثيره علي الناس اللي حواليك

وعلي فكرة الواحد في وقتها بيبرر ردود فعل الناس تبريرات سلبية بتصب بالطبع في الاكتئاب اللي هو فيه وتزوده

وان شاء الله ماتكونش أخر زيارة

تحياتي

Yusuf said...

آيوشة

حتي لو كنت انا جاحد وهما مش اكتر ناس بحبهم

بعد ربنا طبعا وسيدنا محمد عليه الصلاة والسلام

ف الأكيد انهم اكتر ناس بيحبوني

مرور متميز

تحياتي

The illusionist said...

لا اله الا الله

البوست ده
تحس انو بيكلمنى
بيكلم زميلى
بيكلم شباب كتير
انت بتقول كلام
الواحد بيفكر فيه
لام بيبقى مع نفسه
حبه حبه
بيرجع يشوف حياته
هى صح زى ما هو كان بيتمناها
هو عاوز كده

ده الجزء الاول
التانى ا
بتاع الحب
يااااااااااه
الواحد فعلا متاكد ان الحب بيصنع المعجزات
بس عارف اللى يخزف
انو بيصنع الفشل برضه
الحب لو فشل
بيجيب نتيجه عكسيه مش كويسه
فهل الواحد يفكر الف مره
قبل ما يحب
ولا يحب
علطول
بس ازاى الاصدقاء صحيح
فى اخر القايمه
اكيد فى قبلهم
الاصدقاء دول من اهم الركائز
بس الاصدقاء المحارمين
اللى بيقدروا الصداقه


ويعرفوا ان الصداقه مش صحوبيه وبس
بل العكس
ده اخوه
وواجب عليا
انى انصحه واخده للصح
مش استنى غلطه
عشان اشمت فيه

زى الهوا said...

طب اشمعنه دول اللى ذكرتهم بالذات؟؟

علشان دول اللى بتحبهم

كويس اوى تأنيب الضمير دا , يلا ابدأ اعمل اللى يريحهم , واللى يثبتلك حبك ليهم , جاااايز المعجزات تحصل

:)

الازهرى said...

إذا فقنا معانى الحياة مع فقداننا للحب فمعنى ذلك أنه لم يكن حبا

لأنه لو كان حبا حقيقيا فسيعلمك كيف تحب كل الناس وكيف يكون قلبك عامرا بالحب دون مشقه

تحياتى دوما

الازهرى said...

إذا فقنا معانى الحياة مع فقداننا للحب فمعنى ذلك أنه لم يكن حبا

لأنه لو كان حبا حقيقيا فسيعلمك كيف تحب كل الناس وكيف يكون قلبك عامرا بالحب دون مشقه

تحياتى دوما

طهر فؤادك said...

=========

السلام عليكم ورحمة الله وبركاتة ,,,
موضوع جميل ومعبرا جدااااا
وياريت تشارك معانا فى حملة نصرة الاقصى والموضوع بسيط جدا وياريت تشوف موضوعى على مدونتى وتقولى رأيك ..رأيك يهمنى اكيدددد ..

**sad smile** said...

السلام عليكم

بوووست مميز جدا بمعانيه الراقيه

كلماته ذهبية

أتمنى لك مزيد من النجاح

دمت بكل الخير

تحياااااااتي لكي

dark angel

اعشق فى الليل ضوء القمر said...

ازيك يا يوسف اتمنى انك تكون بخير

نعكشة said...

لو دة مجرد تخيل و تأليف
فهو تحفه
مبهرجش
مليان بجد
عالي يعني
عجبنى امتزاج وصف الحبيبة
بين كل الناس اللى حبهم
و عجبني الححتة بتاعت الصحاب اللى بيبانوا على حقيقتهم وقت الشدة
انا حسيت بقمةا لبؤس
و القرف و الفشل
و ال انى عاوزة انط من الشباك
كان نفسى صاحب القصة
يتغير عشان نفسه
و نفسى يرمي اللفافت البيضاء و يبص فى المراية بقة و يبقى احسن
كان نفسى يقف و يقول هيجي غيرها و احسن
حتى لو كانت هيا احسن واحدة
وحتى لو كانت حبته بجد
كان نفسي
يقول انا همشى على رجلى عشانى مش عشان اى حد تاني
هيـــــــــه
يلا
عامة حضرتك وصلت المعنى بجد
................

و لو كان مش قصة و كان مشعر حقيقية تعبر عنها
فليس لي إلا ان ادعو لك

ربنا يرضى عنك و يرضيك
و يهديك لسبل الرشاد

كرسي أعتراف said...

شعرت وكأنك تجلس بجواري علي كرس اعتراف

الله معنا

ياسمين

Yusuf said...

THE illusionist

في ملاحظة صغيرة علي كلامك الجميل

اللي بيبقا ف حالة زي دي صعب يحكم علي ردود أفعال الناس أو تصرفاتهم

ده بالنسبة طبعا لموضوع الأصدقاء

كلامك جميل ويارب تنورني دايماً

تحياتي

Yusuf said...

زي الهوا


اديني بحاول

وربنا يوفقني

تحياتي

Yusuf said...

الازهري

هي فترة انتقالية

ولا يمكن أن يفقد المرء كل شيء لمجرد قصة انتهت

تحياتي

Yusuf said...

طهر فؤادك

نورت المدونة

وانا جاي اشوف الحملة حالاً

تحياتي

Yusuf said...

Dark Angel

نورتي

وربنا يديم التواصل

تقبلي تحياتي

Yusuf said...

أعشق الليل في ضوء القمر

انا كويس الحمد لله

يمكن مشغول شوية بسبب الدراسة

Yusuf said...

نعكشة

الحمد لله وبفضل من الله

كل اللي كان نفسك فيه حصل

وصاحب القصة دلوقتي كل ما بيقراها بيحمد ربنا ع اللي هو فيه دلوقتي


نورتي المدونة

Yusuf said...

كرسي اعتراف

ياسمين

منورة

وكل واحد بيعترف بطريقته

ولسة الاعترافات جاية كتير

تحياتي

نعكشة said...

طب قشطة والله
ربنا يكرم صاحب القصة و يقويه
قريت انها مجرد نص ادبي لسة دلوقتي
تقريبا كان عندي عمش امبارح

ههههههه

خير خير

سلام عليك

Yusuf said...

نعكشة

لا لا سلامة عنيكي

انا بس اللي خطي وحش ف التدوين

:)

منورة دايما

هبة الله said...

ربنا يديم عليك قُرب و حب كل اللى بتحبهم يا يوسف ..
بالنسبة للجامعة و أصدقائك اللى شمتوا..لا تعبأ بهم قط و أستمر لأنك لو خجلت من فشلك مش حتقدر تواجهه و النتيجة إنك مش حتعرف تتغلب عليه و تنجح،أنا مريت بالظروف ديه و عارفه هى أد ايه قاسيه..بالتوفيق إن شاء الله.

Yusuf said...

هبة الله

أكيد طبعا الواحد المفروض يطرد من جواه أي احساس سلبي

ومسببات الاحساس كمان لازم يطردها

نورتي المدونة

تحياتي