BLOGGER TEMPLATES AND TWITTER BACKGROUNDS

10/12/09

عن حورس ..... أتحدث ... في انتظاركم بكره



النهارده أنا جاي أتكلم عن حد غير عادي
 يمكن ناس من اللي هتقرا الموضوع ده متعرفوش 
 أنا هتكلم عن



القصة بدأت يوم 18 يوليو 2007

نقطة بداية كان إسمها


مدونة .. أدبية

بداية لحلم كبير



وعلي مدار عامين

أمتع فيهم حورس 23112 زائر بتدويناته

ما بين القصة والشعر والنقد

كان الحلم الأكبر بيراوده دايماً
 


النشر الورقي

وبفضل من الله 

في يوم 13 أغسطس 2009 

خرج للنور مولوده الأول




وكانت البداية من مكتبة بدرخان بالهرم

وأول مواجهة مع الجمهور كانت من خلال حفل توقيع 
في نفس يوم صدور المجموعة القصصية

 


وده اليوم اللي اتشرفت فيه بتوقيعه لنسختي الخاصة



حد دلوقتي هيسألني 
انت جاي تقول كل ده ليه

لأن القاص محروس أحمد

صاحب المجموعة القصصية 
"كود ساويرس"

وصاحب مدونة
جيفارا مات

يبقا شقيقي الأكبر

اللي بحبه أكتر من أي حاجة ف الدنيا

وكمان عشان أنا جاي ومعايا دعوة
لكل أصدقائي المدونين
وجميع المهتمين بالأدب

لحضور

المكان
مكتبة نفرو
6 شارع معروف تقاطع شارع شامبليون
وسط البلد - القاهرة

الزمان
الخميس 13 أكتوبر 2009
السابعه والنصف مساء

وأنا في انتظار تشريفكم بإذن الله

والسلام ختام 
 

72 رأيك:

Aиgel said...


صباح النور يا يوسف

أولاً مبروك للقاص محروس

وإن شاء الله من نجاح لنجاح
وعقبالك يا أحمد يارب

ومعلش اعذرني بجد مش هقدر اجي
لأني خارج مصر أصلا
والله لو موجودة مكونتش اتأخر

وياريت توصل تهنئتي لــ محروس

وربنا يوفقكم يارب


Angel love

Yusuf said...

Angel

صباح الخير

الله يبارك فيكي

وتهنئتك وصلت

وترجعي مصر بالسلامة ان شاء الله

تحياتي

yoyo said...

صباحك سكر

الف مليون مبروك ربنا يوفقه يارب
وان شاء الله من نجاح لنجاح اكبر

كنت اتمنى اسعد بلقائه و احضر حفل التوقيع
بس ان شاء الله تتعوض النجاحات لسه جاية اكتير
الف مليون مبروك مرة تانية
ربنا يخليكوا لبعض يارب
تحياتى
يويو

زهور الامل said...

طب واللي من المنصورة وصعب عليه ينزل القاهرة يعمل ايه بقى؟؟؟
هه هه
رد عليا
على العموم الف الف مبروك
وبالتوفيق والنجاح دايما باذن الله

تحياتي

Unknown said...

مبروك لأخوك ولك يايوسف
ويارب من نجاح الى نجاح
وعقبال ما تعزمنا
على حفل توقيع
كتابك انت
كمـــان

------ said...

اوعى وشك والريموت كنترول

دمووع جت ياردااالة

ازيك يااستاذ يوسف :)

ايه الغيبة دى ياراجل

يارب تكون بخير

آه وكفى said...

الف مبروك لاخوك يايوسف وانشاء الله الكتاب يحقق اكبر نجاح واكيد هيجيبو عشان اقرأه انشاء الله بس اعذرني مش هقدر اجي بئى عشان الكورس :(( بس كان نفسي اكون موجوده

سلاموووووز

------ said...

الله

مش عارفة اقول ايه بجد يايوسف انا دمعت

حسيت انه انا ههههه

بجد نفسى اكون حاجة كويسة

ونفسى حد ياخد بايدى ويقولى اعمل ايه

ربنا يحميه ويكرمه

------ said...

الف الف مبروك يايوسف

ويااارب كدا يكون اشهر كاااااااااااااااتب عرفه العالم

بالنوسبة للدعوة (وش بيبكى )م

مش هقدر اجى
تصدق انا بحسد كل اللى عايشين فى القاهرة

ربنا يوفقه ويكون اسعد يوم

بس مليش دعوة انا عايزة كتاب وموقع كمان

------ said...

بص ببقى

انا عايزة اعرف كان بيعمل ايه

بيقرأ لمين

انا جبت كتاب شعر امبارح
وقعدت اقرأ فيه

كلام كتير مفهمتوش
وحسيت انى .....
وجالى احباط

انا عايزة كل يوم نصيحة هههه
وخليها على النوتة والحساب يجمع فى الاخر ههههه

تحياتى لك

'' حطام (ك) بقايا '' said...

الف مبارك لشقيقك و لك
وان شاء الله في نجاح مستمر

راء said...

السلام عليكم

انا سمعت كتيرلا عن تاب كود ساويرس بس مقرتوش للأسف لسه مجتليش الفرصة

جميل اوي انك يكون عندك اخ كده اكيد انت فخور بيه واكيد هو فخور بيك

ربنا يخليكوا لبعض

:)

احتمال بسيط اجي ربنا يسهل والاقي حد يوصلني بس عشان مش هعرف اجي ألون

Carol said...

مبروك
أسعدني الخبر جدا
شعرت بنور و فرح
لمولد فنان جديد :)

(Joudy) said...

الف مبرووووووووك وإن شاء الله ربنا يوفقه ومن نجاح لنجاح بإذن الله

دمت بكل الخير والسعادة

GiGi world said...

الف مليون مبروك وربنا يعزكم ويباركلكم بجد كلكم
ويارب يبقى يوم جميل

Yusuf said...

yoyo

صباحك ورد

الله يبارك فيكي

وان شاء الله الندوة الجاية تشرفينا

تحياتي

Yusuf said...

norahaty

ازيك يا دكتورة

الله يبارك فيكي

بس موضوع كتابي انا ده لسة عليه كتير

نورتي

Yusuf said...

زهور الامل

الله يبارك فيكي

وان شاء الله نيجي نعمل امسية ف المنصورة

وعلي فكرة المجموعة موجودة في مكتبة

books & beans

لو تحبي تقريها

تحياتي

Yusuf said...

دموع القمر

يا اهلا وسهلا

معلش بقا ظروف الدراسة مش بخش نت كتير

منورة دايماً

Yusuf said...

آه وكفي

الله يبارك فيكي

ومعلش تتعوض

الجايات كتير بإذن الله

تحياتي

Yusuf said...

دموع القمر

ان شاء الله تكوني اشهر منه كمان

وانتي عارفة لو محتاجة نصيحه أنا مش هتأخر أبداً

Yusuf said...

دموع القمر

فاكرة أول تعليق ليا عندك

كتبتلك كام اسم ونصحتك تقريلهم

يعني حاولي تقري لحد اسلوبه سلس في البداية

وبلاش تعقدي نفسك

وماعاش اللي يقول عليكي....

تحياتي

Yusuf said...

حطام (ك) بقايا

الله يبارك فيكي

ونورتي المدونة

Yusuf said...

Just Smile

ان شاء الله تيجي الفرصة وتقريه وتقوليلي رأيك فيه كمان

تحياتي

Yusuf said...

Carol

الله يبارك فيكي

نورتي المدونة

Yusuf said...

(Joudy)

الله يبارك فيكي

وان شاء الله الندوة الجاية تنورينا

تحياتي

Yusuf said...

GiGi world

الله يبارك فيكي

وفعلا كان يوم حلو

مكانش ناقصه غير وجودكوا

نورتي المدونة

Yusuf said...

في النهاية

شكرا ليكوا جميعا علي تفاعلكوا

واليوم كان رائع

هتكلم عنه ف البوست الجاي ان شاء الله

والسلام ختام

حبات التوت said...

هوة طلع اخوك

اخوك بجد ولا كدة وكدة


اخوك بجد بجد


ياسبحان الله

حبات التوت said...

تصدقوا شبه بعض قى الصورة


كان نفسى اكون موجدوة بس انا فين ووسط البلد فين

بالتوفيق ان شاء الله

Yusuf said...

wella

هههههههههههههههه

ايوة اخويا بجد بجد

ومعلش المرة الجاية ان شاء الله تكوني موجودة

تحياتي

well said...

تحياتى لورس وجارى البحث عن مدونة جيفارا مات
وعقبال صدور اول كتاب ليك

horas said...

طب أنا المفروض أقول ايه ؟؟
:)
ربنا يخليك ليا يا بوب
:)

مرايتى said...

بالتوفيق ان شاء الله

Yusuf said...

well

مفيش داعي انك تتعب نفسك

اهو معلق تحتك علطول

Yusuf said...

horas

ماتقولش أي حاجة

مبروك يا كبير

وان شاء الله من نجاح لنجاح

Yusuf said...

سمسمة

ان شاء الله

نورتي

سارة الجهني said...

ألف ألف مبروك وبالتوفيق يارب لأخوك..
وأنت كذلك تمتلك أسلوب أدبي ممتاز في سرد القصص والموضوعات..
العقبه إلك إنشاءالله..
لكن عندي عتب بسيط وهو ماذكرت لنا عن طبيعة الكتاب موضوعاته..
أماكن تواجدة حصرياً فقط عندكم أو دار النشر تتكفل بنشرة بدول الخليج..
أتمنى أشوفه بأقرب فرصه عندنا بالسعوديه..
لك مني فائق الإحترام والتقدير,,
دمت بحفظ الله ورعايته,,

Yusuf said...

" sara "

الله يبارك فيكي

الكتاب عبارة عن مجموعة قصصية مكونة من 21 قصة قصيرة

بتتكلم عن 21 موضوع مختلف

للأسف حتي الأن التوزيع مقصور علي جمهورية مصر العربية

وان كنت اتمني اني اشوفه موجود ف دول كتير ومنها المملكة طبعاً

تحياتي

تأثير الفراشة said...

السلام عليكم و رحمة الله و بركاته

ألف مبروك لشقيقك ، ربنا يوفقه و يوفقك بإذن الله لكل خير

و أحيى حضرتك على هذه اللفتة الرائعة منك لشقيقك الأكبر

ألف مبروك مرة تانية

دمت موفقا بإذن الله

------ said...

صبااااااااااح الويد والفن والياشمين

قولنا بس نصبح على الناس اللى بقالها

اسبوع مشفنهاش

ولا ببوست ولا بزيارة

ام هند
انا عارفة انك مشغول فى الجامعة ربنا معاك وييسرلك امورك

Yusuf said...

رابطة هويتي اسلامية

نورت المدونة

والرابطة بتاعتك رائعة وانا دخلت وقريت المناقشات

وربنا يديم التواصل

Yusuf said...

تأثير الفراشة

عليكم السلام ورحمة الله وبركاته

الله يبارك فيكي

تقبلي تحياتي

Yusuf said...

همسات علي ضوء القمر

من يوم دخولي المدرسة
عفاريت وفيا متربسة
كل سلوكي ملمسة
وحالتي مش كويسة
مريض ومش لاقي دوا
ومرضي اسمه الهندسة

:)

------ said...

ربنا ميحرمنيش من السؤال

واكيد ماانا قولت كل يوم نصيحة
والحساب يجمع هههه

ربنا يكرمك
ويوفقك فى دراستك يارب

وييسرلك كل امورك

وابقى شوف يوميات متعوس ههه
كتبتها ونشرتها
وبعدين قريتها هههه

إسكندرانية said...

مبروووك لللقاص محروس
ويارب دايما في تقدم للاسف انا من محافظة تانية
عايزين تفاصيل لما ترجع عن موضوع

مبروك مرة تانية

أميرة علي كوكب مهجور said...

بجد مبرووووووووك وهدور ع الكتاب علشان اجيبه

وعقبالك يا يوسف لما نجي حفل توقيع ليك

TWEETY said...

ازيك ياعمو

يارب تكون بخير

اعشق فى الليل ضوء القمر said...

انا أسف لسه عارف الخبر دلوقتى
على العموم مبارك لأخوك
وعقبالك انت كمان

رابطة هويتي اسلامية said...

وكما وعدناكم بأن تستمر حملتنا وتأتي بكل جديد

ضيف حوارنا هذه الرسالة :::

الأستاذ معتز شاهين - باحث تربوي

صاحب مدونة إحنا وهما

وهي مدونة تهتم بالإستشارات التربوية

نتمني منكم المشاركة معنا في الحوار لمزيد من الإستفادة ولمزيد من الإفادة

مع تحياتنا

أسرة رابطة هويتي إسلامية

Yusuf said...

همسات علي ضوء القمر

هروح أقراها حالا

Yusuf said...

اسكندرانية

الله يبارك فيكي

وان شاء الله هبقا اعمل بوست عن الندوة

ومبروك مدونتك

تحياتي

Yusuf said...

أميرة علي كوكب مهجور

الله يبارك فيكي

ويارب الكتاب يعجبك

وان شاء الله لما ربنا يكرمني ويكون في حفل توقيع

تيجي تنورينا

تحياتي

Yusuf said...

Tweety

انا بخير الحمد لله

ازيك انتي

منورة دايماً

Yusuf said...

أعشق الليل في ضوء القمر

الله يبارك فيك

تحياتي

الملتقى الجنة said...

السلام عليكم

جزاكم الله كل خير

نتمنى زيارتكم لمدونه حمله بادر

دعاء العطار said...

الففففففففففففف مليوووووووووون مبرووووووووك وعقبال باقى الاصدارات

لو كنت من القاهره كنت حضرت لكن للاسف انا مش من القاهره

تحياتى

Aиgel said...


صباح الخير..
يوسف

قلت أجي اسلم
وأتمنى تكون بخير

أنا عارفه أن اللي مأخرك علينا الدراسة ):

ربنا يوفقك إن شاء الله

Angel love

زى الهوا said...

مبرووووووووك لأخوك


ويارب ديما فى نجاح انتوا الاتنين

:)

بيطرية ومش بايدى said...

لالالالا
اهئ اهئ انا هاعيط
رقم 62 ياخبر ابيض
الاخير ربه كريم موش موشكل
بين الاذان والاقامة بتاع اذان المغرب
والدعاء بيستجاب
بقول بصوت عااااالى
يااااااااااااااارب يوفق استاذ احمد وينجحه ويعلى مراتبه ويرزقه من وسع ويارب قريب نشوفه من كتاب العالم الكبار يارب
اما يوسف بقى فيااااااااااارب يكرمه ويرزقه ويحبب فيه خلقه كمان وكمان وينجحه ف الدراسة ويكون من الاوائل دنيا واخرة وينفعه بعلمه ويرزقه بالزوجة الصالحة والذرية الاصلح
ويبعد عنه اى هم او حزن او غم او اى حاجة وحشة
اللهم آآآآآآآآآآآآمين
يارب اجب دعائنا يارب

بيطرية ومش بايدى said...

انت شيلت الاغنة ليه يايوسف
دى كانت حلوة اوى

مش موشكل
برده مدونة مسكرة زى صاحبها

اقول سلام بقى يحسن انا رغاية بشكل

donya said...

اول زياره ليه
وبشري جميله كمان
الف مبروك لأخوك وعقبال الكتاب اللي بعده واللي بعده الي الالف
ومدونتك جميله

*تحياتي

donya said...

اول زياره ليه
وبشري جميله كمان
الف مبروك لأخوك وعقبال الكتاب اللي بعده واللي بعده الي الالف
ومدونتك جميله

*تحياتي

------ said...

قولنا بس نصبح على الحلوين

يارب يكونوا مبسوطين

وفى حياتهم سعيدين

وفى دراستهم متهنيين

وربنا يطمنا عليهم ويكونوا كويسين

انا عايزاك تقرأ بوس مات الحبيب
وتقول رأيك حتى لو دخلت وكان فيه بوست تانى

اوكشن

Yusuf said...

dodoo

الله يبارك فيكي

نورتي

Yusuf said...

Angel

شكرا علي سؤالك يارب يخليكي

انا ف الدراسة تايه خالص

ف عشان كده مش بدخل المدونة كتير

بس ان شاء الله انزل بوست قريب

تحياتي

Yusuf said...

زي الهوا

الله يبارك فيكي

وان شاء الله الندوة الجاية تكوني معانا

تحياتي

Yusuf said...

بيطرية ومش بإيدي

لالا انا كمان هعيط

يعني الدراسة تعمل فينا كده

الكومنت ال 62 مرة واحدة

ربنا يتقبل منك

بس علي فكرة اخويا اسمه محروس احمد مش استاذ احمد

:P

الدعاء الخاص بيا ربنا وحده اللي يعلم مأثر فيا ازاي

ربنا يخليكي ويوفقك ف حياتك

تحياتي

Yusuf said...

بيطرية ومش بإيدي

والله انتي اللي عسل وسكر

وعشان خاطرك هحط اغنية احلي من اللي كانت موجودة

منورة المدونة دايماً

Yusuf said...

donya

مبروك علينا تواجدك معانا ف عالم التدوين

نورتي المدونة

Yusuf said...

همسات علي ضوء القمر

احلي صباح من الحلوين
اللي دايما هنا منورين
والله في الدراسة مطحونين
وربنا يكرمنا قولوا أمين

بس كده
اقراها هي واللي قبلها واللي بعدها

------ said...

مساء الخير


بص انا هقولك ياسيدى

االاول حمد لله على سلامتك
وبعدين انا قولتلك كله على النوتة
وهاسبك فى الاخر
وكويس انك جيت اول الشهر قبل مالمصروف يخلص
ومافيش تجاوزات ولا حاجة

انا بكتب كدا انى املى وقت فراغى

بس عندى حلم انى ابقى كاتبة
بس مش عارفة الطريق ازاى
ولا ابدأ ميني وكدايعنى
بس انا بكتب اللى جوايا وبيطلع كدا
مش انا اللى بحليه ولا اظبطه
وانت لو قريت
ابدع الرحمن فى خلقك
(يامن ملكت فؤادى )
كله نا بكتبه كدا تلقائى
بس لما بكتب خواطر من فترة لفترة
انا مش شاعرة يعنى لما حد يقولى اكتبى بكتب عن كذا لا
لكن لما بيجى مزاج
ساعات اكتب كلام زى الاغانى كدا
وساعات اكتب كلام هبل فى هبل بس بيدى معنى مش مفههوم برضو ههه
بس اهه

انا بكتب فى قصة دلوقتى
ودى اصلا جزء منها
هى غير وانجلى الحزن خالص وفيها شخصيات وكدا واتصلت على دار نشر وقالى هاتيها لما تخلص وان كويسة هننشرها

دعواتك بقى

ومعلش بزعجك ومصدعاك معايا