إعرفي
إني خلاص .. مش جاي تاني
وقت الخلاص
من كل أشباه المعاني
واقف قصادي
مادد أيادي
بس المصيبة
إنك حبيبة
صوتك ما بيفارق وداني
وإعرفي
إني خلاص .. مش جاي تاني
جيت النهارده
كان نفسي أرضي
شفتك أنا
لكن أنا
مبصتليش
راحت ف ثانية كام سنه
كنا أنا
وإنتي يا أنا
عايزة نكمل عمرنا
أنا هناك
وإنتي هنا
ولا نلتقيش ولو ثواني
فــ إعرفي
إني خلاص ... مش جاي تاني
بعدك هعيش
ويا السيجارة
ماهي ليا جارة
فتحت في صدري شارع وحارة
خارج دخانها
بيقول كلام
للي خلاص أنهت زمانها
قالت سلام
قطعت علي قلبي الحرارة
منك نسيت
كلمة مريح
لكن صحيح
بكرة تسمعي
وتفكري
وتقرري
وترجعي
بس ياريت
يكون قبل ماتعرفي
إني خلاص .... مش جاي تاني
+copy.jpg)
58 رأيك:
لو قلت وحشتوني 100 مرة هيبقا قليل عليكوا
بس معلش بقا ظروف الدراسة
دي أخر حاجة كتبتها ويارب تعجبكوا
مساء الورد
أزيك يا يوسف
أنت كمان والله وحشتنا
و ووحشنا وجودك في مدوناتنا
بس والله أنا مقدرة ظروفك
أنا قلت اسلم الأول وبعدين ارجع اقرأ البوست (:
الله يعينك و يوفقك و يفتح عليك دايماً يا رب
....
اولاً عندي اعتراض على المسافة بين الجمل .. كبيرة قوي
دة بعيداً عن النص يعني
لحظة بقة هتمعن في البتاعة و آجي اقول
.......
طب نا بحب اعمل اوفر فيو على الحاجة
عامة
عجبتني حتة انتي أنا
و أنا مبصتليش
سؤال بقة
ازاي ترجع قبل ما تعرف انك مش راجع تاني
وانت خلاص قولتلها انك مش راجع تاني
وزلا هذه الرسائلة لم ترسل بعد
:D
>>>>>>
بالنسبة للبديل الا و هو السجارة
ونعم الاستحقار
.....
بث خلاص
يلا خير
سلامٌ عليك
معلش سؤال رخم
22
دراسة اية؟؟
ماستر
يسلمووووووو
وارتويت بعد غياب و ظمأ بأرق القطرات
التي خطتها أناملك المبدعة
دمت ودام قلمك شامخاً
حقاً راقت لي كل كلمة هنا (:
......................
كان ليا بقى تعليق خاص كده أو يعني سؤال لمحت في البروفايل أنك بقى عندك 22 سنة أنا لو مش هتخوني ذاكرتي تقريباً كنت قرأتها قبل كده 21 وده لو صح فمعناه أنك كان عيد ميلادك قريب
لو صح بقى فكل سنة وأنت طيب يا جووو
ولو مش صح فكل سنة وأنت طيب مقدماً
(:
أنا اللي بعت لك دعوة ع الفيس بوك
بونبونة(:
Angel love
ازيك يايوسف
اخبارك ايه
ربنا معاك ذاكر وشد حيلك
تسلم ايدك
كل عيد حب وانت طيب
حنين
بدلت البنت بسجارة
و رميتها زى السيجارة
اتمنى انها متكونش وجعت صدرك زى السيجارة
أعوذ بالله.....ايه الصوره دي
ليه العذاب دا
أعوذ بالله.....ايه الصوره دي
ليه العذاب دا
أولا حمد الله على السلامة
ثانيا ربنا يوفقك فى المذاكرة ويعديهالك على خير
ثالثا البوست بصراحة انت كتبت حلو بس عيشتنا معاك لحظة البعد وبعدين فى حد يبدل بشر بسجارة لا لا زعلانة منها الحتة دى
ربنا يحفظك من شرها ويصلح الأمور
دمت بكل الخير والسعادة
نحجز بقى الحادشر قبل ما ننام
ونقول الوووووووووووووووو
مساء الخييييييييييير والفل والجمال والحب والاحساس
نورت المدونة يا رادل
والله كانت مظلمة من غيرك يا جو
البوست تحفة والله وجميل
بس انا اتخضيت من العنوان ماخبيش عليك قولت اه مش جاى تانى
يبقى فى حاجة غلط
بس الحمد لله كله تمام
والبلوجر نور من تانى
ربنا معاك فى الدراسة
وحيث اننا ف العذاب سوا
الدعوات بالتبادل بقى
هههههههههههههه
ربنا معاك ويكرمك ويرزقك الفهم ويجعلك من الاوائل الناجحين والفايزين دنيا واخرى
اللهم آآآآآآآآآآآآآمين
اطير انا بقى
تصبح على خير
ربنا يوفقك يارب وعايزين تقدير حلو:)
البوست عاجبني اوي وع فكرة انت بتكتب عامي حلو وحلو تشبيه السيجارةفعلا كل واحد ومقامه:)
Angel
مساء الفل
سلامك وصل ومستني ردك
نعكشة
عندك حق الفواصل كبيرة
هعدلها ان شاء الله بكرة
بصي بقا يا ستي
انا ف الاول قلت مش جاي وبعد كده بشرح ليه انا مش هاجي
موضوع السيجارة ده اثبات لعدم حيوانية الذكر بانه ينسي الأنثي من خلال أنثي أخري
دي وجهة نظري
تحياتي
نعكشة
انا ف بكالوريوس هندسة
ادعولي اعدي منها علي خير
Angel
دمت ودام قلمك شامخاً
بجد أخجلتم تواضعنا
انا عيد ميلادي ال 23 هيكون ف شهر يناير القادم ان شاء الله
وتم قبول الإضافة
تحياتي
7annen
كل عيد حب وانتي بخير وسعادة
بس فين رأيك ف البوست؟؟؟؟؟؟
العيسوي الصغير
حاولت انسي البنت بسيجارة
لكن فشلت
ف اني أشيل المرارة
تحياتي
جميلة يا يوسف وربنا يوفقك فى الدراسة وفى حياتك
وابقى تعالى تانى
منصحكش بالسيجارة وخصوصا لو كانت بنى
تحياتى ..
يساري نوبي
صورة .. عذاب؟؟؟؟؟
(Joudy)
زي ما قلت لنعكشة بقولك
البطل ذكر وليس حيوان
كما انه لا يرغب بغيرها
ده رأيي وطبعا وجهة نظرك تحترم
دمتي بكل المودة
بيطرية ومش بأيدك
مساء الجمال والحب
المدونة نورت بتعليقك
بيطرية ومش بأيدي
ربنا يخليكي
ومتقلقيش زملاء الكفاح كلهم لازم يدعوا جماعة
وكويس المرة دي وانتي بتعلقي ماقلتيش علي نفسك رغاية ولا مفعوصة
وسلام يا عسل
أميرة علي كوكب مهجور
ميرسي لكلامك
بس انا مش عارف ماله مشهد السيجارة
عموما كل منا له وجهة نظره
well
ربنا يخليك
وكله الا البني
حاسس ان دماغي بتاكلني
:)
الله يا يوسف
حلو اوي البوست ده
مميز جدا وفكرته حلوة ومختلفة اوي
تسلم ايدك بجد
تحياتي
زهور الأمل
متشكر جدا لكلامك
اخجلتم تواضعنا
تحياتي
تم تعديل الفواصل
هههههههههه
ايه دا انا قريت مش جاى تانى
قولت ايه يوسف تنحى عن التدوين ولا ايه
ربنا معاك ويوفقك
وابقى طمنا عليك
وبصراحة البوست مش عايز تعليق لانه جميييييل جدا ولله
بس انا عايزة دعواتك
هههه
لا اله الا الله
همسات علي ضوء القمر
لالا كله الا بلوجر
لن اتنحي
همسات علي ضوء القمر
لالا انا عاوز تعليقك
وبدعيلك دايماً
تحياتي
مساء الخير
الكلام صعب اوي
والصوره اصعب
لكن كلام مترتب وزي الفل
ايه المرار الملضوم ده
طب افتكر النبي ده انت بتمتحن
هههههههه
بس تسلم ايدك
*تحياتي
ازيك ياباشمهندس
ربنا يوفقك فى دراستك
والبوست جميل اووووى واثر فيا لان اصعب مشاعر مشاعر الفراق
دمت بود
ازيك ياباشمهندس
ربنا يوفقك فى دراستك
والبوست جميل اووووى واثر فيا لان اصعب مشاعر مشاعر الفراق
دمت بود
احم احم انا محرجة وحاسة اني زي البوليس المصري فالافلام حد ييجي يعلق دلوقتي ده ايه الناس ديه ^_^
أولا ربنا يوفقك يا بشمنهدس وتخلص بكالريوسك وعقبالي يااااااارب :)
ثانيا بوست اكثر من رائع عجبني اوي طريقته ووزنه بس مش عارفة حسيت ان احساسه مش واصل زي البوستات التانية
او يمكن انا مش مركزة م المذاكرة مش عارفة ^_^ هبقى اقراه كمان مرة
وربنا يسعدك ويهنيك يارب :)
كلام رقيق وحلو قوي
تحياتي
ازيك يابشمهندس والله ليكى وحشة
المذكرة عامله معاك اية
اهى اهى الميد تيرم قرب ادعيلى يابشمهندس
مانتة فاضى باه فى اخر سنة
صحيح احساسك اية وانتة فى اخر سنة
لكن انا مابصلتكيش ياااااااااااه على التعبير
خلاص مش جاى تانى براحتك
برضة رجعنا لموضوع السيجارة يابنى ارحم نفسك باه
يعنى مفيش امل ترجع
donya
لسة بدري ع الامتحانات
كفاية الواحد متبهدل لمجرد الحضور وتسليم التقارير ومشروع التخرج
يالا ربنا يكرم
اتمني ان المرار الملضوم يكون عجبك
:)
تحياتي
dodoo
انا بخير الحمد لله
يارب البوست يكون عجبك
نورتي
تحياتي
Just Smile
مفيش أي احراج ولا حاجة
وانا عاوزك تركزي ف المذاكرة ولما تروقي ابقي اقريه مرة تانية
وربنا يعينا ع المذاكرة ف الجو المكهرب ده
تحياتي
شوكولاتة
ده بس من ذوقك
نورتي المدونة
wella
ازيك عاملة ايه
انا متبهدل خالص ومتلخبط ف الدراسة والحالة اخر توهان
بجد بجد ربنا يستر
لكن أنا مبصتليش مش مبصتلكيش
يعني هي اللي مبصتش
لانها هي أنا
فهمتي حاجة ؟؟ انا نفسي مش فاهم
تحياتي
مدحت محمد
حسب انا هرجع فين..... وازاي
تحياتي
ليك تاج عندي يا باشا تروح تستلمه :)
أميرة علي كوكب مهجور
علم وينفذ حالاً
مممممممممم
فخمتو
بس برضو انك في المقطوعة تستبدل السجارة بيها فيها استحقار للبنية
وبعدين اللوحة كما يراها القارئ
قصدي المقطوعة الادبية
عامة حلوة حتة عدم الحيوانية دية
الله يوفقك ياااااااااا رب
و تعدي على خير
و يفرح قلبك دايماً
قول آمين
سلامٌ عليك
يوسف ... أقدم لك اعترافي رقم 5
:(
الله يسامحها
بس سيجارة مكانها؟
جميلة على فكرة
السلام عليكم
تحيه ورديه منى لقلمك الرائع
تحياتى
نعكشة
والله ده اللي انا كان نفسي اوصله
حتة انه مش هيقدر يفكر في واحدة غيرها
أمين يارب العالمين
ربنا يكرمك دايماً وتفتكرينا بالدعاء
تحياتي
كرسي اعتراف
ياسمين .. قريت الاعتراف وعلقت عليه .. وطبعا رأيك وصلني علي فيس بوك
تحياتي
sometimes
الله يسامحنا كلنا
وسيجارة عشان ينساها مش مكانها
متشكر جداً
تحياتي
سلمي
تحية مني لزيارتك الأولي
نورتي المدونة
nice awe begad
w 3agbtny moOoOoT
They don't work! They'll provide help to get an sizegenetics, that's about all, and also an sizegenetics has never been a problem for me, so the pump was simply a waste of money.But what about penis sizegenetics sizegenetics and lotions? Forget about them! How could any pill or lotion give you a bigger penis? Now, if a makers of Viagra brought out a penis sizegenetics pill, I is going to be tempted to give it a try, but otherwise, no thank you.Using this man's experience, and my own opinion like a researcher and reviewer in such an field, if you prefer a bigger penis, you need to be prepared to work for it.
http://sizegenetics-reviewx.tumblr.com/
Post a Comment