تنبيه رقم 1
إخواني المدونين أحب اعرفكوا اني هكون بإذن الله موجود بكرة في
حفلة منير والشاب خالد
اللي ف اكاديمية اخبار اليوم
ويوم السبت إن شاء الله احتمال كبير أكون في
ستاد القاهرة بشجع منتخب مصر
لو أي حد منكوا هيكون موجود ف أي من المناسبتين دول ياريت يبلغني
عشان لو أمكن نتقابل
تنبيه رقم 2
محروس ( شقيقي الأكبر) هيكون موجود علي قناة النيل الثقافية علي الهواء مباشرة يوم السبت الساعه 1 الضهر إن شاء الله عشان يتكلم عن مجموعته القصصية ياريت تتفرجوا عليه وتقولولي رأيكوا
تنبيه رقم 3
ياريت محدش ينسا الأستاذ جمال والد (تويتي) وقريب (همسات علي ضوء القمر) بالدعاءوكمان عشان اتفاقية الدعاء اللي بيني وبين (بيطرية ومش بإيدي) ياريت كلنا ندعيلها إن ربنا يوفقها في دراستها وتجيب أعلي تقدير إن شاء الله
تنبيه رقم 4
أنا كتبت قصة في تجربة مشاركة كتابية مع الأخت والكاتبة الرائعة
Angel
والقصة دي موجودة في مدونتها
وأخيراً
أنا عدلت الجزء الأخير في البوست اللي فات اللي هو مش جاي تاني ويارب تعجبكوا بعد التعديل
إعرفي
إني خلاص .. مش جاي تاني
وقت الخلاص
من كل أشباه المعاني
واقف قصادي
مادد أيادي
بس المصيبة
إنك حبيبة
صوتك ما بيفارق وداني
وإعرفي
إني خلاص .. مش جاي تاني
جيت النهارده
كان نفسي أرضي
شفتك أنا
لكن أنا
مبصتليش
راحت ف ثانية كام سنه
كنا أنا
وإنتي يا أنا
عايزة نكمل عمرنا
أنا هناك
وإنتي هنا
ولا نلتقيش ولو ثواني
فــ إعرفي
إني خلاص ... مش جاي تاني
بعدك هعيش
ويا السيجارة
ماهي ليا جارة
فتحت في صدري شارع وحارة
خارج دخانها
بيقول كلام
للي خلاص أنهت زمانها
قالت سلام
قطعت علي قلبي الحرارة
منك نسيت
كلمة مريح
لكن صحيح
قلبي الجريح
بكرة يعيش
فرحة زمان
يوم ترجعي
بس ياريت
يكون قبل ماتسمعي
إني خلاص .... مش جاي تاني
إني خلاص .. مش جاي تاني
وقت الخلاص
من كل أشباه المعاني
واقف قصادي
مادد أيادي
بس المصيبة
إنك حبيبة
صوتك ما بيفارق وداني
وإعرفي
إني خلاص .. مش جاي تاني
جيت النهارده
كان نفسي أرضي
شفتك أنا
لكن أنا
مبصتليش
راحت ف ثانية كام سنه
كنا أنا
وإنتي يا أنا
عايزة نكمل عمرنا
أنا هناك
وإنتي هنا
ولا نلتقيش ولو ثواني
فــ إعرفي
إني خلاص ... مش جاي تاني
بعدك هعيش
ويا السيجارة
ماهي ليا جارة
فتحت في صدري شارع وحارة
خارج دخانها
بيقول كلام
للي خلاص أنهت زمانها
قالت سلام
قطعت علي قلبي الحرارة
منك نسيت
كلمة مريح
لكن صحيح
قلبي الجريح
بكرة يعيش
فرحة زمان
يوم ترجعي
بس ياريت
يكون قبل ماتسمعي
إني خلاص .... مش جاي تاني
+copy.jpg)
33 رأيك:
ياااااااااااااااارب
يا هاااااااااااااااادى
نبدأ ونقول بسم الله
هيييييييييييييييه
التعليق الاول ونقول بسم الله
ايه الحلاوة دى يا ولالالالالالالالالاد
يا واش يا واش
لالالا انا بدعيلى على الهواء مباشرة
اون لاين
يااااااااااارب يستجيب ليكم يارب
وليكم مثل هذا الدعاء وافضل منه كمان
ويارب يفك اسر عمو جمال
ويرجعه لايثار الثكر بالسلامة
ياااااااارب اقبل واستجيب دعائى يارب
يا الله ياكريم
اكرم كل اللى بيدخل المدونة دى
واكرم صاحبها وزوده من علمك
واجعله من المتفوقين الاوائل
وبارك فيه وعليه
وبارك فى اخيه محروس وخليهوله وزود الحب بينهم يارب
واجعل ايامهم كلها سعادة وهناء وخير وفرح وراحة من كل شر زيادة ف كل خير
وبارك فى حبيبتى ايثار واجعلها من بنات المسلمين اللى هيعلوا شأن الاسلام ان شاء الله
اللهم آآآآآآآآآآآآمين
نختم بالخامس بقى
عشان القر والحسد
خمسة وخميسة فى عنيا
وفى عنين اى حد ما يصليش على الحبيب المصطفى
والسلام مسك الختام
مش عارف يا يوسف
بس ممكن اتابع كل اللى انت بتقول عليه
بس الحفله طبعا عدت ومالت منى
يوسف انا رايح اشوف القصة وراجع تانى بس مش دلوقتى علشان انا فاصل شحن
تحياتى ..
ايدا يابت يابيطرية
دا انا لسة سايباكى
لحقتى روحتى وكتبتى تعليق
يامفترية
مااشى
صباح الخير ياعمنا
ناس هايصة ولهتحضر حفلة منير
وناس لايصة وعليها شيتات لبكرة الصبح
يلا
انا مش بقر انا بحسد بس
ياعينى ياعينى
عقبالنا كدا يااارب
بس حساها مش هتحصل
ربنا يسعده
واكيد هنتفرج بس ربنا يذكرنى
وبشكرك بجد على التنويه التانى
ربنا يستجيب
ويكرمك انت وبيطرية ياااارب
وبجد مش عارفة اقول ايه
بجد سعيدة بأكتساب اخ زيك
ونروح للتنويه اللى بعد كدا
لا يعم انا كدا هقر بصحيح
تحفة القصة بجد
وتخيلت انى انا البطلة
بس لو انا مكانها مش هخليه يودينى مكاان استخبى فيه من المطرة
كنت هفضل اجرى تحتها
اصلى من صغرة وانا بحب الدروس اللى تبقى ساعة المطرة
ولو مفيش اطلع فوق السطح :)
وبجد تحفه يايوسف
انا فكرت انى اكتب قصة بس بالعامى
على الرغم انى بحب العربى لكن قولت اجرب
وعملتها بحوار واحداث
وشخصيات
والقصة بتناقش افكار معينة
دعواتك
ربنا يرجعها بالسلامة وتحقق حلمها :)
تحياتى لك
moma1415
انا هرد عال 5 تعليقات مرة واحدة
لحسن الواحد صحته بايظة من ساعه الحفلة
بس كان يوم تحفة كان نفسي كل اصحابي يكونوا معايا
انتي تستاهلي كل خير وانا بدعيلك دايماً
وربنا يجازيكي خير علي دعائك الجميل
وربنا يبارك لنا كلنا في إيثار ويخليهالنا يارب
والسلام ختام
اعشق في الليل ضوء القمر
عادي بقا ربنا يكرم واجيب تذاكر ونتقابل في الماتش بإذن الله
تحياتي
Well
اوك يا معلم ولا يهمك
منور دايماً
همسات علي ضوء القمر
انا هرد ع ال3 تعليقات كلهم برضه
يعني هي بتدعيلك تقومي تتخانقي معاها
ده كلام بالذمة؟؟
وبعدين مانا ورايا الاسبوع ده ف الكلية كذا تقرير ف المشروع
بس الحفلة متتفوتش الصراحه
وربنا يعيننا كلنا ف الدراسة
ويكرمك ونشوفك علي جميع القنوات التليفزيونية
وطبعا انا مبسوط لاني اكتسبت اخت وصديقة
ولو عاوزة نتشارك القلم انا جاهز
وبالنسبة ل Angel
ربنا يرجعها مصر بالسلامة
بس في سؤال؟
ايه الدروس بتاعه المطرة دي؟؟؟
وبالنسبة للقصة
اكتبي اللي جواكي اياً كانت لغة خروجه
وان شاء الله هتطلع حاجة حلوة
والسلام ختام
تحياتي
هههههه
لا ياابنى
انا قصدى كنت احب الدروس اللى بتكون ساعة المطرة
يعنى وانا رايحة الدرس تمطر وانا راجعة تمطر
يعنى اهه اكون فى الشارع وامشى تحت المطرة وخلاص
احسن يوووووم فى حياااااتى
كنت راجعة انا وصحبتى من الجرنال
واشترينا جيلاتى وقولنا هنتمشى شوية ونروح نركب ونوصل الموقف علشان نروح
لقينا الحتة مطرت
نرمى الجيلاتى لا طبعا
اكلنا الجيلاتى والحتة بتمطر واحنا مستمتعين بالمطرة
ووصلنا الموقف من غير مانركب اى مواصلة
يعنى اخدناها مشى
ههههههههههههه
فييييييين ياعمو الحج
انا فاتحة القناه من بدرى ؟؟؟؟؟
مش لاقية غير برنامج اسمه
ندوة الاعلام الدولى
ولااااا انا فتحت قناه غلط ولا ايييه
هههههههههه
الف مبروك لمصر والحمد لله ...
مبروك الفوز :)
همسات علي ضوء القمر
فعلا مفيش أحلي من المطر
والأيس كريم في البرد
ومعلش اللقاء اتأجل بسبب مهرجان الإعلام العربي
هو هيذاع مسجل ولما اعرف المعاد هقول
تحياتي
well
الحمد لله وان شاء الله مصر تفرح كل العرب بكرة بإذن الله
تحياتي
أقصوصة
الله يبارك فيكي
مبروك لكل العرب
ومبروك ليكي تجديد مدونتك
تحياتي
صباح الخير
كل دي اوامر وطلبات
ههههه
حااااضر يافندم
تحياتي
يوسف
لقد أجبت علي تاجك
شكرا لك صديقي
تقبل مودتي
انا اخدت شهادة تقدير فى المدرسة
يوسف
عايز اتكلم كتير
هتكلم ومش هينفع حد يمنعنى
اولا يا اخى
انا بحبك فى الله
ثانيا :
انا زعلان كان المفروض تبلغنى من قبلها ولو حتى عالفيس بوك وتقولى انا رايح الحفلة عشان اروح معاك
بس معلش تتعوض
ثالثا :
ما شاء الله اخوك من الواضح انه شخصية مثقفة وكمان مجموعة قصصية
يبقى لما نتقابل تجيبلى نسخة بقى :$
رابعا :
متقلقش بندعى للاستاذ جمال والله :)
يارب يرجع لهم بالسلامة
قريت القصة وعجبتنى جدا وعلقت عليها كمان
بالمناسبة كلماتك حلوة اوى يا جميل
اخوك شاب فقرى
انا جيييييييييييت
نورت
اكيد طبعا نورت
هوة انا مشيت من هنا مش بتسئل علية يعنى اية اللى حصلى
ماشى ماشى يابشمهندس
على العموم انا جيت اقوللك كل سنة وانتة طيب يايوسف وعيد سعيد عليك يارب
جيييييييت تانى
ياعم هوة انتة بتحب منير اول مرة اعرف يعنى اية الغباوة دى مانتة مسمى مدونتك على اسم اغنيتة
سيبك من هبلى دة
بس حلوة خاطرة مش جاى تانى حلوة عجبتنى قريتها مرتين
كل سنةوانت طيب يايوسف
أضحى سعيد عليك أن شاء الله
ياراجل وقعت قلبى لما قرأت
مش جاى تانى قلت يالهوىىى
يوسف حيعتزل التدوين سريع يا أبو سريع كدا لكن الحمد لله لقيتها خاطرة وخاطرة خطيرة وحلوة كمان
انت روحت فين .....مستنى رجوعك
كل سنة وأن طيبة وعيد سعيد عليك
أعتذر علي الإنقطاع عن متابعة مدونتك
وأرجو التواصل مجددا ومتابعة سلسلةكتاباتي علي مدونتى ( ألـــــــــم قلـــــم)
تحياتي
Asmaa Fathy
أصدقائي واخواتي
أنا أسف مشغول اليومين دول بس لازم كلكوا تدعولي عشان الميدترمات يوم السبت الجاي بإذن الله
بعد الميدترمات هكون موجود معاكوا تاني
والسلام ختام
تحياتي
ماشى قفزة الى هناك اقرا تجربتك
ماشى قفزة الى هناك اقرا تجربتك
Post a Comment