BLOGGER TEMPLATES AND TWITTER BACKGROUNDS

11/11/09

مش جاي تاني ( تعديل) +تحديثات


تنبيه رقم 1

  إخواني المدونين أحب اعرفكوا اني هكون بإذن الله موجود بكرة في 
حفلة منير والشاب خالد



اللي ف اكاديمية اخبار اليوم 
ويوم السبت إن شاء الله احتمال كبير أكون في 
ستاد القاهرة بشجع منتخب مصر
لو أي حد منكوا هيكون موجود ف أي من المناسبتين دول ياريت يبلغني
عشان لو أمكن نتقابل

تنبيه رقم 2

محروس ( شقيقي الأكبر) هيكون موجود علي قناة النيل الثقافية علي الهواء مباشرة يوم السبت الساعه 1 الضهر إن شاء الله عشان يتكلم عن مجموعته القصصية ياريت تتفرجوا عليه وتقولولي رأيكوا

تنبيه رقم 3

ياريت محدش ينسا الأستاذ جمال والد (تويتي) وقريب (همسات علي ضوء القمر) بالدعاءوكمان عشان اتفاقية الدعاء اللي بيني وبين (بيطرية ومش بإيدي) ياريت كلنا ندعيلها إن ربنا يوفقها في دراستها وتجيب أعلي تقدير إن شاء الله

تنبيه رقم 4

أنا كتبت قصة في تجربة مشاركة كتابية مع الأخت والكاتبة الرائعة 
Angel
والقصة دي موجودة في مدونتها

وأخيراً

أنا عدلت الجزء الأخير في البوست اللي فات اللي هو مش جاي تاني ويارب تعجبكوا بعد التعديل

     

إعرفي

إني خلاص .. مش جاي تاني

وقت الخلاص

من كل أشباه المعاني

واقف قصادي

مادد أيادي

بس المصيبة

إنك حبيبة

صوتك ما بيفارق وداني

وإعرفي

إني خلاص .. مش جاي تاني



جيت النهارده

كان نفسي أرضي

شفتك أنا

لكن أنا

مبصتليش

راحت ف ثانية كام سنه

كنا أنا

وإنتي يا أنا

عايزة نكمل عمرنا

أنا هناك

وإنتي هنا

ولا نلتقيش ولو ثواني

فــ إعرفي

إني خلاص ... مش جاي تاني



بعدك هعيش

ويا السيجارة

ماهي ليا جارة

فتحت في صدري شارع وحارة

خارج دخانها

بيقول كلام

للي خلاص أنهت زمانها

قالت سلام

قطعت علي قلبي الحرارة

منك نسيت

كلمة مريح

لكن صحيح

قلبي الجريح

بكرة يعيش

فرحة زمان

يوم ترجعي

بس ياريت

يكون قبل ماتسمعي

إني خلاص .... مش جاي تاني
      
 

11/8/09

تاج


تاج وصلني من الأخت والصديقة   أميرة علي كوكب مهجور  أنا أسف إني أخرته


اسمك؟
يوسف


سنك؟
22 (السؤال ده لا ينصح به للبنات)


اسم مدونتك ؟
إيديا في جيوبي

مجال دراستك؟
هندسة القوي والألات الكهربية

هل فكرت في إغلاق مدونتك؟ والسبب؟
لو كنت فكرت ف كده مكنتش فتحتها أصلاً

ايه رد فعلك لو حد قل ادبه عليك ف المدونة؟
هقوله ربنا يسامحك


اسوأ مدونة دخلتها؟
أكيد مش هفتكر إسمها


هيحصل إيه لايميلك بعد ماتموت؟
معتقدش وقتها هبقا مهتم


اديت الباسوورد لحد قبل كده؟
إطلاقاً


السفر بالنسبة لك؟
تأملات الطريق ، وتنمية الصداقة ، وزيارة أماكن جديدة


المود بتاعك إيه؟
Empty


بتعمل إيه وقت فراغك؟
بقرا أو بكتب أو بخرج مع أصحابي


الأكلات المفضلة؟
مش بتفرق كتير كله بيتاكل


الصفات اللي أخدتها عن والدك؟
معرفش ، السؤال ده المفروض ليه مش ليا


الصفات اللي أخدتها عن والدتك؟
الإجابة مش هتختلف


أكتر 6 حاجات بتحبها؟
ربنا
أمي
حبيبتي
إصحابي
إسكندرية
منير


أكتر 6 حاجات بتكرهها؟
الفراق
الظلم
الزحمة
الزبالة
 الغباء
الناموس

شخصيتك نوعها إيه؟
نوعها شخصية


لماذا دخلت عالم التدوين من الأساس؟
التعرف علي أصدقاء جدد، المزيد من المجال لقراءة كتاباتي


أهمية التعليقات بالنسبة لك؟
بتخليني أعرف كل واحد بيفكر ف إيه


أفضل مدونة قريتها؟
جيفارا مات


اهمية الانترنت بالنسبة لك؟
بيضيع الوقت اللي ممكن يتعمل فيه أي شيء مفيد


إهداء التاج؟


Angel ... Angel love
ياسمين .. كرسي إعتراف
بيطرية ومش بأيدي
د. نورة ... صعبان علي حالنا
نعكشة

11/4/09

مش جاي تاني




إعرفي



إني خلاص .. مش جاي تاني


وقت الخلاص


من كل أشباه المعاني


واقف قصادي


مادد أيادي


بس المصيبة


إنك حبيبة


صوتك ما بيفارق وداني


وإعرفي


إني خلاص .. مش جاي تاني








جيت النهارده


كان نفسي أرضي


شفتك أنا


لكن أنا


مبصتليش


راحت ف ثانية كام سنه


كنا أنا


وإنتي يا أنا


عايزة نكمل عمرنا


أنا هناك


وإنتي هنا


ولا نلتقيش ولو ثواني


فــ إعرفي


إني خلاص ... مش جاي تاني








بعدك هعيش


ويا السيجارة


ماهي ليا جارة


فتحت في صدري شارع وحارة


خارج دخانها


بيقول كلام


للي خلاص أنهت زمانها


قالت سلام


قطعت علي قلبي الحرارة


منك نسيت


كلمة مريح


لكن صحيح


بكرة تسمعي


وتفكري


وتقرري


وترجعي


بس ياريت


يكون قبل ماتعرفي


إني خلاص .... مش جاي تاني