BLOGGER TEMPLATES AND TWITTER BACKGROUNDS

11/4/09

مش جاي تاني




إعرفي



إني خلاص .. مش جاي تاني


وقت الخلاص


من كل أشباه المعاني


واقف قصادي


مادد أيادي


بس المصيبة


إنك حبيبة


صوتك ما بيفارق وداني


وإعرفي


إني خلاص .. مش جاي تاني








جيت النهارده


كان نفسي أرضي


شفتك أنا


لكن أنا


مبصتليش


راحت ف ثانية كام سنه


كنا أنا


وإنتي يا أنا


عايزة نكمل عمرنا


أنا هناك


وإنتي هنا


ولا نلتقيش ولو ثواني


فــ إعرفي


إني خلاص ... مش جاي تاني








بعدك هعيش


ويا السيجارة


ماهي ليا جارة


فتحت في صدري شارع وحارة


خارج دخانها


بيقول كلام


للي خلاص أنهت زمانها


قالت سلام


قطعت علي قلبي الحرارة


منك نسيت


كلمة مريح


لكن صحيح


بكرة تسمعي


وتفكري


وتقرري


وترجعي


بس ياريت


يكون قبل ماتعرفي


إني خلاص .... مش جاي تاني


58 رأيك:

Yusuf said...

لو قلت وحشتوني 100 مرة هيبقا قليل عليكوا

بس معلش بقا ظروف الدراسة

دي أخر حاجة كتبتها ويارب تعجبكوا

Angel said...


مساء الورد

أزيك يا يوسف
أنت كمان والله وحشتنا
و ووحشنا وجودك في مدوناتنا
بس والله أنا مقدرة ظروفك

أنا قلت اسلم الأول وبعدين ارجع اقرأ البوست (:


نعكشة said...

الله يعينك و يوفقك و يفتح عليك دايماً يا رب

....
اولاً عندي اعتراض على المسافة بين الجمل .. كبيرة قوي
دة بعيداً عن النص يعني

لحظة بقة هتمعن في البتاعة و آجي اقول
.......

طب نا بحب اعمل اوفر فيو على الحاجة

عامة
عجبتني حتة انتي أنا
و أنا مبصتليش
سؤال بقة
ازاي ترجع قبل ما تعرف انك مش راجع تاني
وانت خلاص قولتلها انك مش راجع تاني
وزلا هذه الرسائلة لم ترسل بعد
:D

>>>>>>
بالنسبة للبديل الا و هو السجارة
ونعم الاستحقار
.....

بث خلاص

يلا خير

سلامٌ عليك

نعكشة said...

معلش سؤال رخم
22
دراسة اية؟؟
ماستر

Angel said...


يسلمووووووو

وارتويت بعد غياب و ظمأ بأرق القطرات

التي خطتها أناملك المبدعة

دمت ودام قلمك شامخاً

حقاً راقت لي كل كلمة هنا (:
......................

كان ليا بقى تعليق خاص كده أو يعني سؤال لمحت في البروفايل أنك بقى عندك 22 سنة أنا لو مش هتخوني ذاكرتي تقريباً كنت قرأتها قبل كده 21 وده لو صح فمعناه أنك كان عيد ميلادك قريب
لو صح بقى فكل سنة وأنت طيب يا جووو

ولو مش صح فكل سنة وأنت طيب مقدماً

(:

أنا اللي بعت لك دعوة ع الفيس بوك
بونبونة(:
Angel love

7annen said...

ازيك يايوسف
اخبارك ايه
ربنا معاك ذاكر وشد حيلك
تسلم ايدك
كل عيد حب وانت طيب
حنين

العيسوى الصغير said...

بدلت البنت بسجارة
و رميتها زى السيجارة
اتمنى انها متكونش وجعت صدرك زى السيجارة

يساري نوبي said...

أعوذ بالله.....ايه الصوره دي
ليه العذاب دا

يساري نوبي said...

أعوذ بالله.....ايه الصوره دي
ليه العذاب دا

(Joudy) said...

أولا حمد الله على السلامة

ثانيا ربنا يوفقك فى المذاكرة ويعديهالك على خير

ثالثا البوست بصراحة انت كتبت حلو بس عيشتنا معاك لحظة البعد وبعدين فى حد يبدل بشر بسجارة لا لا زعلانة منها الحتة دى

ربنا يحفظك من شرها ويصلح الأمور

دمت بكل الخير والسعادة

بيطرية ومش بايدى said...

نحجز بقى الحادشر قبل ما ننام
ونقول الوووووووووووووووو
مساء الخييييييييييير والفل والجمال والحب والاحساس

نورت المدونة يا رادل
والله كانت مظلمة من غيرك يا جو

بيطرية ومش بايدى said...

البوست تحفة والله وجميل

بس انا اتخضيت من العنوان ماخبيش عليك قولت اه مش جاى تانى
يبقى فى حاجة غلط
بس الحمد لله كله تمام
والبلوجر نور من تانى

ربنا معاك فى الدراسة
وحيث اننا ف العذاب سوا
الدعوات بالتبادل بقى
هههههههههههههه

ربنا معاك ويكرمك ويرزقك الفهم ويجعلك من الاوائل الناجحين والفايزين دنيا واخرى

اللهم آآآآآآآآآآآآآمين

اطير انا بقى
تصبح على خير

أميرة علي كوكب مهجور said...

ربنا يوفقك يارب وعايزين تقدير حلو:)
البوست عاجبني اوي وع فكرة انت بتكتب عامي حلو وحلو تشبيه السيجارةفعلا كل واحد ومقامه:)

Yusuf said...

Angel

مساء الفل

سلامك وصل ومستني ردك

Yusuf said...

نعكشة

عندك حق الفواصل كبيرة
هعدلها ان شاء الله بكرة

بصي بقا يا ستي
انا ف الاول قلت مش جاي وبعد كده بشرح ليه انا مش هاجي

موضوع السيجارة ده اثبات لعدم حيوانية الذكر بانه ينسي الأنثي من خلال أنثي أخري

دي وجهة نظري

تحياتي

Yusuf said...

نعكشة

انا ف بكالوريوس هندسة
ادعولي اعدي منها علي خير

Yusuf said...

Angel

دمت ودام قلمك شامخاً

بجد أخجلتم تواضعنا

انا عيد ميلادي ال 23 هيكون ف شهر يناير القادم ان شاء الله

وتم قبول الإضافة

تحياتي

Yusuf said...

7annen

كل عيد حب وانتي بخير وسعادة

بس فين رأيك ف البوست؟؟؟؟؟؟

Yusuf said...

العيسوي الصغير

حاولت انسي البنت بسيجارة

لكن فشلت

ف اني أشيل المرارة


تحياتي

well said...

جميلة يا يوسف وربنا يوفقك فى الدراسة وفى حياتك
وابقى تعالى تانى
منصحكش بالسيجارة وخصوصا لو كانت بنى
تحياتى ..

Yusuf said...

يساري نوبي

صورة .. عذاب؟؟؟؟؟

Yusuf said...

(Joudy)
زي ما قلت لنعكشة بقولك

البطل ذكر وليس حيوان
كما انه لا يرغب بغيرها

ده رأيي وطبعا وجهة نظرك تحترم

دمتي بكل المودة

Yusuf said...

بيطرية ومش بأيدك

مساء الجمال والحب

المدونة نورت بتعليقك

Yusuf said...

بيطرية ومش بأيدي

ربنا يخليكي

ومتقلقيش زملاء الكفاح كلهم لازم يدعوا جماعة

وكويس المرة دي وانتي بتعلقي ماقلتيش علي نفسك رغاية ولا مفعوصة

وسلام يا عسل

Yusuf said...

أميرة علي كوكب مهجور

ميرسي لكلامك

بس انا مش عارف ماله مشهد السيجارة

عموما كل منا له وجهة نظره

Yusuf said...

well

ربنا يخليك

وكله الا البني

حاسس ان دماغي بتاكلني

:)

زهور الامل said...

الله يا يوسف

حلو اوي البوست ده

مميز جدا وفكرته حلوة ومختلفة اوي

تسلم ايدك بجد

تحياتي

Yusuf said...

زهور الأمل

متشكر جدا لكلامك

اخجلتم تواضعنا

تحياتي

Yusuf said...

تم تعديل الفواصل

همســات عــلى ضــوء الــقمر said...

هههههههههه

ايه دا انا قريت مش جاى تانى

قولت ايه يوسف تنحى عن التدوين ولا ايه

همســات عــلى ضــوء الــقمر said...

ربنا معاك ويوفقك

وابقى طمنا عليك

وبصراحة البوست مش عايز تعليق لانه جميييييل جدا ولله

بس انا عايزة دعواتك
هههه

لا اله الا الله

Yusuf said...

همسات علي ضوء القمر

لالا كله الا بلوجر

لن اتنحي

Yusuf said...

همسات علي ضوء القمر

لالا انا عاوز تعليقك

وبدعيلك دايماً

تحياتي

donya said...

مساء الخير
الكلام صعب اوي
والصوره اصعب
لكن كلام مترتب وزي الفل
ايه المرار الملضوم ده
طب افتكر النبي ده انت بتمتحن
هههههههه

بس تسلم ايدك

*تحياتي

dodoo said...

ازيك ياباشمهندس

ربنا يوفقك فى دراستك

والبوست جميل اووووى واثر فيا لان اصعب مشاعر مشاعر الفراق

دمت بود

dodoo said...

ازيك ياباشمهندس

ربنا يوفقك فى دراستك

والبوست جميل اووووى واثر فيا لان اصعب مشاعر مشاعر الفراق

دمت بود

Just Smile said...

احم احم انا محرجة وحاسة اني زي البوليس المصري فالافلام حد ييجي يعلق دلوقتي ده ايه الناس ديه ^_^

أولا ربنا يوفقك يا بشمنهدس وتخلص بكالريوسك وعقبالي يااااااارب :)

ثانيا بوست اكثر من رائع عجبني اوي طريقته ووزنه بس مش عارفة حسيت ان احساسه مش واصل زي البوستات التانية
او يمكن انا مش مركزة م المذاكرة مش عارفة ^_^ هبقى اقراه كمان مرة

وربنا يسعدك ويهنيك يارب :)

شوكولاتة said...

كلام رقيق وحلو قوي

تحياتي

wella said...

ازيك يابشمهندس والله ليكى وحشة

المذكرة عامله معاك اية

اهى اهى الميد تيرم قرب ادعيلى يابشمهندس

مانتة فاضى باه فى اخر سنة

صحيح احساسك اية وانتة فى اخر سنة




لكن انا مابصلتكيش ياااااااااااه على التعبير

خلاص مش جاى تانى براحتك




برضة رجعنا لموضوع السيجارة يابنى ارحم نفسك باه

مدحت محمد said...

يعنى مفيش امل ترجع

Yusuf said...

donya

لسة بدري ع الامتحانات

كفاية الواحد متبهدل لمجرد الحضور وتسليم التقارير ومشروع التخرج

يالا ربنا يكرم

اتمني ان المرار الملضوم يكون عجبك

:)

تحياتي

Yusuf said...

dodoo

انا بخير الحمد لله

يارب البوست يكون عجبك

نورتي

تحياتي

Yusuf said...

Just Smile

مفيش أي احراج ولا حاجة

وانا عاوزك تركزي ف المذاكرة ولما تروقي ابقي اقريه مرة تانية

وربنا يعينا ع المذاكرة ف الجو المكهرب ده

تحياتي

Yusuf said...

شوكولاتة

ده بس من ذوقك

نورتي المدونة

Yusuf said...

wella

ازيك عاملة ايه

انا متبهدل خالص ومتلخبط ف الدراسة والحالة اخر توهان

بجد بجد ربنا يستر

لكن أنا مبصتليش مش مبصتلكيش

يعني هي اللي مبصتش

لانها هي أنا

فهمتي حاجة ؟؟ انا نفسي مش فاهم

تحياتي

Yusuf said...

مدحت محمد

حسب انا هرجع فين..... وازاي

تحياتي

أميرة علي كوكب مهجور said...

ليك تاج عندي يا باشا تروح تستلمه :)

Yusuf said...

أميرة علي كوكب مهجور

علم وينفذ حالاً

نعكشة said...

مممممممممم

فخمتو
بس برضو انك في المقطوعة تستبدل السجارة بيها فيها استحقار للبنية
وبعدين اللوحة كما يراها القارئ
قصدي المقطوعة الادبية
عامة حلوة حتة عدم الحيوانية دية

الله يوفقك ياااااااااا رب
و تعدي على خير
و يفرح قلبك دايماً

قول آمين

سلامٌ عليك

كرسي أعتراف said...

يوسف ... أقدم لك اعترافي رقم 5

Sometimes said...

:(
الله يسامحها
بس سيجارة مكانها؟



جميلة على فكرة

سلمى said...

السلام عليكم
تحيه ورديه منى لقلمك الرائع
تحياتى

Yusuf said...

نعكشة

والله ده اللي انا كان نفسي اوصله
حتة انه مش هيقدر يفكر في واحدة غيرها

أمين يارب العالمين

ربنا يكرمك دايماً وتفتكرينا بالدعاء


تحياتي

Yusuf said...

كرسي اعتراف

ياسمين .. قريت الاعتراف وعلقت عليه .. وطبعا رأيك وصلني علي فيس بوك

تحياتي

Yusuf said...

sometimes

الله يسامحنا كلنا

وسيجارة عشان ينساها مش مكانها


متشكر جداً


تحياتي

Yusuf said...

سلمي

تحية مني لزيارتك الأولي

نورتي المدونة

A32L MaGNoNa said...

nice awe begad
w 3agbtny moOoOoT

Anonymous said...

They don't work! They'll provide help to get an sizegenetics, that's about all, and also an sizegenetics has never been a problem for me, so the pump was simply a waste of money.But what about penis sizegenetics sizegenetics and lotions? Forget about them! How could any pill or lotion give you a bigger penis? Now, if a makers of Viagra brought out a penis sizegenetics pill, I is going to be tempted to give it a try, but otherwise, no thank you.Using this man's experience, and my own opinion like a researcher and reviewer in such an field, if you prefer a bigger penis, you need to be prepared to work for it.
http://sizegenetics-reviewx.tumblr.com/