BLOGGER TEMPLATES AND TWITTER BACKGROUNDS

11/11/09

مش جاي تاني ( تعديل) +تحديثات


تنبيه رقم 1

  إخواني المدونين أحب اعرفكوا اني هكون بإذن الله موجود بكرة في 
حفلة منير والشاب خالد



اللي ف اكاديمية اخبار اليوم 
ويوم السبت إن شاء الله احتمال كبير أكون في 
ستاد القاهرة بشجع منتخب مصر
لو أي حد منكوا هيكون موجود ف أي من المناسبتين دول ياريت يبلغني
عشان لو أمكن نتقابل

تنبيه رقم 2

محروس ( شقيقي الأكبر) هيكون موجود علي قناة النيل الثقافية علي الهواء مباشرة يوم السبت الساعه 1 الضهر إن شاء الله عشان يتكلم عن مجموعته القصصية ياريت تتفرجوا عليه وتقولولي رأيكوا

تنبيه رقم 3

ياريت محدش ينسا الأستاذ جمال والد (تويتي) وقريب (همسات علي ضوء القمر) بالدعاءوكمان عشان اتفاقية الدعاء اللي بيني وبين (بيطرية ومش بإيدي) ياريت كلنا ندعيلها إن ربنا يوفقها في دراستها وتجيب أعلي تقدير إن شاء الله

تنبيه رقم 4

أنا كتبت قصة في تجربة مشاركة كتابية مع الأخت والكاتبة الرائعة 
Angel
والقصة دي موجودة في مدونتها

وأخيراً

أنا عدلت الجزء الأخير في البوست اللي فات اللي هو مش جاي تاني ويارب تعجبكوا بعد التعديل

     

إعرفي

إني خلاص .. مش جاي تاني

وقت الخلاص

من كل أشباه المعاني

واقف قصادي

مادد أيادي

بس المصيبة

إنك حبيبة

صوتك ما بيفارق وداني

وإعرفي

إني خلاص .. مش جاي تاني



جيت النهارده

كان نفسي أرضي

شفتك أنا

لكن أنا

مبصتليش

راحت ف ثانية كام سنه

كنا أنا

وإنتي يا أنا

عايزة نكمل عمرنا

أنا هناك

وإنتي هنا

ولا نلتقيش ولو ثواني

فــ إعرفي

إني خلاص ... مش جاي تاني



بعدك هعيش

ويا السيجارة

ماهي ليا جارة

فتحت في صدري شارع وحارة

خارج دخانها

بيقول كلام

للي خلاص أنهت زمانها

قالت سلام

قطعت علي قلبي الحرارة

منك نسيت

كلمة مريح

لكن صحيح

قلبي الجريح

بكرة يعيش

فرحة زمان

يوم ترجعي

بس ياريت

يكون قبل ماتسمعي

إني خلاص .... مش جاي تاني
      
 

33 رأيك:

بيطرية ومش بايدى said...

ياااااااااااااااارب
يا هاااااااااااااااادى

نبدأ ونقول بسم الله

بيطرية ومش بايدى said...

هيييييييييييييييه

التعليق الاول ونقول بسم الله

ايه الحلاوة دى يا ولالالالالالالالالاد

يا واش يا واش

بيطرية ومش بايدى said...

لالالا انا بدعيلى على الهواء مباشرة
اون لاين
يااااااااااارب يستجيب ليكم يارب
وليكم مثل هذا الدعاء وافضل منه كمان

ويارب يفك اسر عمو جمال
ويرجعه لايثار الثكر بالسلامة

ياااااااارب اقبل واستجيب دعائى يارب

بيطرية ومش بايدى said...

يا الله ياكريم
اكرم كل اللى بيدخل المدونة دى
واكرم صاحبها وزوده من علمك
واجعله من المتفوقين الاوائل
وبارك فيه وعليه
وبارك فى اخيه محروس وخليهوله وزود الحب بينهم يارب
واجعل ايامهم كلها سعادة وهناء وخير وفرح وراحة من كل شر زيادة ف كل خير


وبارك فى حبيبتى ايثار واجعلها من بنات المسلمين اللى هيعلوا شأن الاسلام ان شاء الله


اللهم آآآآآآآآآآآآمين

بيطرية ومش بايدى said...

نختم بالخامس بقى

عشان القر والحسد

خمسة وخميسة فى عنيا
وفى عنين اى حد ما يصليش على الحبيب المصطفى



والسلام مسك الختام

اعشق فى الليل ضوء القمر said...

مش عارف يا يوسف
بس ممكن اتابع كل اللى انت بتقول عليه
بس الحفله طبعا عدت ومالت منى

well said...

يوسف انا رايح اشوف القصة وراجع تانى بس مش دلوقتى علشان انا فاصل شحن
تحياتى ..

------ said...

ايدا يابت يابيطرية

دا انا لسة سايباكى

لحقتى روحتى وكتبتى تعليق

يامفترية

مااشى

------ said...

صباح الخير ياعمنا

ناس هايصة ولهتحضر حفلة منير

وناس لايصة وعليها شيتات لبكرة الصبح

يلا

انا مش بقر انا بحسد بس

------ said...

ياعينى ياعينى


عقبالنا كدا يااارب

بس حساها مش هتحصل

ربنا يسعده

واكيد هنتفرج بس ربنا يذكرنى

وبشكرك بجد على التنويه التانى
ربنا يستجيب
ويكرمك انت وبيطرية ياااارب

وبجد مش عارفة اقول ايه
بجد سعيدة بأكتساب اخ زيك

ونروح للتنويه اللى بعد كدا

لا يعم انا كدا هقر بصحيح

تحفة القصة بجد


وتخيلت انى انا البطلة
بس لو انا مكانها مش هخليه يودينى مكاان استخبى فيه من المطرة
كنت هفضل اجرى تحتها
اصلى من صغرة وانا بحب الدروس اللى تبقى ساعة المطرة

ولو مفيش اطلع فوق السطح :)

وبجد تحفه يايوسف

انا فكرت انى اكتب قصة بس بالعامى
على الرغم انى بحب العربى لكن قولت اجرب
وعملتها بحوار واحداث
وشخصيات
والقصة بتناقش افكار معينة
دعواتك

ربنا يرجعها بالسلامة وتحقق حلمها :)

تحياتى لك

Yusuf said...

moma1415

انا هرد عال 5 تعليقات مرة واحدة

لحسن الواحد صحته بايظة من ساعه الحفلة

بس كان يوم تحفة كان نفسي كل اصحابي يكونوا معايا

انتي تستاهلي كل خير وانا بدعيلك دايماً
وربنا يجازيكي خير علي دعائك الجميل

وربنا يبارك لنا كلنا في إيثار ويخليهالنا يارب

والسلام ختام

Yusuf said...

اعشق في الليل ضوء القمر

عادي بقا ربنا يكرم واجيب تذاكر ونتقابل في الماتش بإذن الله

تحياتي

Yusuf said...

Well

اوك يا معلم ولا يهمك

منور دايماً

Yusuf said...

همسات علي ضوء القمر

انا هرد ع ال3 تعليقات كلهم برضه

يعني هي بتدعيلك تقومي تتخانقي معاها

ده كلام بالذمة؟؟

وبعدين مانا ورايا الاسبوع ده ف الكلية كذا تقرير ف المشروع

بس الحفلة متتفوتش الصراحه

وربنا يعيننا كلنا ف الدراسة

ويكرمك ونشوفك علي جميع القنوات التليفزيونية

وطبعا انا مبسوط لاني اكتسبت اخت وصديقة

ولو عاوزة نتشارك القلم انا جاهز

وبالنسبة ل Angel

ربنا يرجعها مصر بالسلامة

بس في سؤال؟
ايه الدروس بتاعه المطرة دي؟؟؟

وبالنسبة للقصة

اكتبي اللي جواكي اياً كانت لغة خروجه

وان شاء الله هتطلع حاجة حلوة

والسلام ختام

تحياتي

------ said...

هههههه

لا ياابنى

انا قصدى كنت احب الدروس اللى بتكون ساعة المطرة

يعنى وانا رايحة الدرس تمطر وانا راجعة تمطر

يعنى اهه اكون فى الشارع وامشى تحت المطرة وخلاص

احسن يوووووم فى حياااااتى
كنت راجعة انا وصحبتى من الجرنال
واشترينا جيلاتى وقولنا هنتمشى شوية ونروح نركب ونوصل الموقف علشان نروح

لقينا الحتة مطرت
نرمى الجيلاتى لا طبعا

اكلنا الجيلاتى والحتة بتمطر واحنا مستمتعين بالمطرة
ووصلنا الموقف من غير مانركب اى مواصلة

يعنى اخدناها مشى
ههههههههههههه

------ said...

فييييييين ياعمو الحج

انا فاتحة القناه من بدرى ؟؟؟؟؟

مش لاقية غير برنامج اسمه
ندوة الاعلام الدولى

ولااااا انا فتحت قناه غلط ولا ايييه

هههههههههه

well said...

الف مبروك لمصر والحمد لله ...

اقصوصه said...

مبروك الفوز :)

Yusuf said...

همسات علي ضوء القمر

فعلا مفيش أحلي من المطر

والأيس كريم في البرد

ومعلش اللقاء اتأجل بسبب مهرجان الإعلام العربي

هو هيذاع مسجل ولما اعرف المعاد هقول

تحياتي

Yusuf said...

well

الحمد لله وان شاء الله مصر تفرح كل العرب بكرة بإذن الله

تحياتي

Yusuf said...

أقصوصة

الله يبارك فيكي

مبروك لكل العرب

ومبروك ليكي تجديد مدونتك

تحياتي

donya said...

صباح الخير
كل دي اوامر وطلبات
ههههه
حااااضر يافندم

تحياتي

كرسي أعتراف said...

يوسف
لقد أجبت علي تاجك

شكرا لك صديقي

تقبل مودتي

TWEETY said...

انا اخدت شهادة تقدير فى المدرسة

شاب فقرى said...

يوسف

عايز اتكلم كتير

هتكلم ومش هينفع حد يمنعنى

اولا يا اخى
انا بحبك فى الله

ثانيا :

انا زعلان كان المفروض تبلغنى من قبلها ولو حتى عالفيس بوك وتقولى انا رايح الحفلة عشان اروح معاك

بس معلش تتعوض

ثالثا :
ما شاء الله اخوك من الواضح انه شخصية مثقفة وكمان مجموعة قصصية

يبقى لما نتقابل تجيبلى نسخة بقى :$

رابعا :
متقلقش بندعى للاستاذ جمال والله :)

يارب يرجع لهم بالسلامة

قريت القصة وعجبتنى جدا وعلقت عليها كمان

بالمناسبة كلماتك حلوة اوى يا جميل

اخوك شاب فقرى

حبات التوت said...

انا جيييييييييييت



نورت

اكيد طبعا نورت

هوة انا مشيت من هنا مش بتسئل علية يعنى اية اللى حصلى

ماشى ماشى يابشمهندس

على العموم انا جيت اقوللك كل سنة وانتة طيب يايوسف وعيد سعيد عليك يارب

حبات التوت said...

جيييييييت تانى

ياعم هوة انتة بتحب منير اول مرة اعرف يعنى اية الغباوة دى مانتة مسمى مدونتك على اسم اغنيتة

سيبك من هبلى دة

بس حلوة خاطرة مش جاى تانى حلوة عجبتنى قريتها مرتين

Unknown said...

كل سنةوانت طيب يايوسف
أضحى سعيد عليك أن شاء الله
ياراجل وقعت قلبى لما قرأت
مش جاى تانى قلت يالهوىىى
يوسف حيعتزل التدوين سريع يا أبو سريع كدا لكن الحمد لله لقيتها خاطرة وخاطرة خطيرة وحلوة كمان

well said...

انت روحت فين .....مستنى رجوعك

Asmaa Fathi said...

كل سنة وأن طيبة وعيد سعيد عليك

أعتذر علي الإنقطاع عن متابعة مدونتك

وأرجو التواصل مجددا ومتابعة سلسلةكتاباتي علي مدونتى ( ألـــــــــم قلـــــم)
تحياتي
Asmaa Fathy

Yusuf said...

أصدقائي واخواتي

أنا أسف مشغول اليومين دول بس لازم كلكوا تدعولي عشان الميدترمات يوم السبت الجاي بإذن الله

بعد الميدترمات هكون موجود معاكوا تاني

والسلام ختام

تحياتي

Unknown said...

ماشى قفزة الى هناك اقرا تجربتك

Unknown said...

ماشى قفزة الى هناك اقرا تجربتك